^

Banat Balita

Kapin P1.5milyon nga shabu nasakmit

Banat

CEBU, Philippines – Mokabat sa P1.121 nga kantidad sa shabu ang nasakmit sa buy-bust operation sa kapolisan sa dalan Juan Luna Extension, Brgy. Poblacion, sa dakbayan sa Danao sa miaging Domingo sa kaadlawon.

Ang buy-bust operation nga gipangulohan ni Police Officer 3 Fiel Restauro sa Danao Police Station nga miresulta sa pagkasikop sa gipasanginlang drug pusher nga si John Anthony Buot, 21 , nagpuyo sa maong dapit.

Si Police Officer 3 Nelson Pantoja miingon nga kapin sa usa ka semana ang pagpaniid nga gihimo sa team sa kapolisan nga gipangulohan ni Restauro hangtod nga ilang nasuta nga positibo kini. Dugang pa ni Pantoja nga 95 gramong shabu ang gipalit sa grupo sa kapolisan atol sa maong operasyon nga moabot og siyam ka medium size nga pakete.

Matud pa ni Pantoja ang buy-bust money P1,000 lamang nga maoy gitabon sa ginunting nga papel nga gigamit sa maong transaksyon.

Ang dinakpan mitug-an nga igo lang kining gisugo sa pagdala sa maong drugas apan nagdumili na kini pagtug-an kun si kinsa ang nagsugo niini.

Samtang tunga sa milyon ka pesos nga kantidad sa shabu ang nasakmit sa City Anti-Illegal Drug Special Operations Task Force sa Cebu City Police Office gikan sa usa ka Christopher Labrado, 34 anyos  diha sa Sitio Lamacan, Brgy. Pung-ol Sibugay ning dakbayan sa Sugbo niadtong nakalabay nga hapon.

Matud pa ni Senior Inspector Eunil Avergonzado, hepe sa CAIDSOTF nga duha ka semana nilang gipanid-an si Labrado ayha gihimo ang buy-bust operation.

Gamit ang P200 nga buy-bust money nakapalit og usa ka gamay nga paketeng shabu ang asset sa kapulisan ug gisunod ‘sab dayon og sikop ang suspetsado.

Ang suspetsado miingon nga napugos kini og baligya og ilegal nga drugas human nga nangamatay ang iyang mga tanom nga bulak gumikan kay wala’y ulan.

Si Labrado midugang nga gumikan sa kalisod sa panginabuhian uban sa iyang upat ka mga anak ang usa sab sa hinungdan nganong nanimpalad kini sa maong ilegal nga negosyo.

Nasayran sa kapulisan nga halos usa ka tuig na nga nalambigit sa ilegal nga negosyo si Labrado.

Samtang si Avergonzado miingon nga nakadawat sila og impormasyon gikan sa asawa sa usa sa mga drayber sa habalhabal sa ilang dapit nga nireklamo nga naadik na ang bana niini tungod sa drugas nga mapalit gikan sa suspek.

Nakuha sa kapulisan gikan sa suspetsado ang usa ka daku nga putos ug medium size sa gituohang shabu nga mikantidad og P500 mil.

Ang suspetsado mitug-an sa mga awtoridad nga usa ka Jeffrey nga taga Barangay Pulangbato nga gikatahong big time drug pusher ang supplier niini sa drugas.

Gitanggong na sa selda sa Cebu City Police Office ang suspetsado nga pasakaan og kaso’ng paghupot ug pagbaligya og shabu. – /EIM) (BANAT NEWS)

ANG

BARANGAY PULANGBATO

BRGY

CEBU CITY POLICE OFFICE

CHRISTOPHER LABRADO

DANAO

DANAO POLICE STATION

DRUG SPECIAL OPERATIONS TASK FORCE

FIEL RESTAURO

JOHN ANTHONY BUOT

NGA

USA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with