^

Banat Balita

Bag-ong sakyanan alang sa kapolisan

Jojo C. Ugdol ug Romeo T. Limpangog/GMR - Banat

CEBU, Philippines - Moabot sa 80 ka motorsiklo ang ipangapod-apod sa kapolisan sa Rehiyon 7.

Matud ni Chief Supt. Prudencio Bañas, direktor sa Police Regional Office-7, nga ang mao’ng mga motorsiklo ipanghatag sa mga buhatan sa kapolisan nga kuwang og mga sakyanan.

Si Bañas nanghinaut nga ampingan sa kapolisan ang mao’ng mga sakyanan alang sa ila’ng trabaho.

Gawas sa mga sakyanan, gipaabot sa PRO-7 ang dugang mga armas ug mga importante nga gamit sa mga polis gikan sa kaulohan.

Samtang ang hepe sa Theft and Robbery Section sa Cebu City Police Office nagpasalamat sa bag-ong sakyanan nga naabot karon alang sa ilang buhatan.

Usa ka Toyota Hilux ang gihatag sa kagamhanan sa dakbayan sa Sugbo ngadto sa TRS.

Si Chief Insp. David Señor niingon nga halos tulo na ka tuig nga wala’y sakyanan ang ilang buhatan.

Nasayran nga nanghatag og mga Toyota Vios ang lokal nga kagamhanan alang sa mga police stations sa dakbayan sa Sugbo.

Sa iyang bahin, nagtinguha sab si Mayor Jonas Cortes sa pagpamalit og sakyanan alang sa unom ka presinto sa Mandaue City Police Office.

Matud ni Cortes nga ang sakyanan sa kapolisan ang iya’ng nakita karon nga gikinahanglan alang sa dali nga pagtubag og mga alarma. Plano ni Cortes nga ang open type nga matang sa sakyanan ang paliton.  (BANAT NEWS)

CEBU CITY POLICE OFFICE

CHIEF SUPT

DAVID SE

MANDAUE CITY POLICE OFFICE

MATUD

MAYOR JONAS CORTES

SAKYANAN

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with