_banat
^

Kaso batok sa guwapa gisibog na

Lorelyn D. Dechos/RUB (Banat) - December 18, 2014 - 12:00am

CEBU, Philippines - Ang tagdumala sa Cabo Resort sa Asturias miatras sa gipasaka nila nga kaso’ng Estafa batok sa 16-anyos nga maanyag nga babaye nga sayo pa wala dayon makabayad sa iyang pag-estar sa resort.

Matud ni Bise Gobernador Agnes Magpale nga giatras sa resort ang ilang gipasaka nga kaso kay ang P15 mil nga bayronon unta sa maanyag nga babaye didto sa resort gibayran og tawo nga wala pa nila hiilhi.

Gibutyag ni Magpale nga ang maanyag nga babaye anaa gihapon sa kustodiya sa Provincial Social Welfare Development Office (PSWDO) aron ipasusi og usa ka psychologist sa tumong nga masuta ang kahimtang sa iyang pangisip.

Si Magpale miingon nga naghuwat na lang sila sa  resolusyon gikan sa piskaliya kun unsay sunod nga lakang apan iyang gitataw nga sila sa Provincial Women’s Council (PWC) ganahan nga mabalik si Bascug sa iyang lungsod sa Sogod, Southern Leyte aron maka-uban ang iyang pamilya.

Makig-alayon ang PWC sa mga social worker sa Sogod aron masabotan ang sunod nila nga himoon para sa maanyag nga usa pa ka menor de-edad. (BANAT NEWS)

ASTURIAS BASCUG BISE GOBERNADOR AGNES MAGPALE CABO RESORT PROVINCIAL SOCIAL WELFARE DEVELOPMENT OFFICE PROVINCIAL WOMEN SI MAGPALE SOGOD SOUTHERN LEYTE
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with