^

Banat Balita

Trabaho gisubay sa pagpatay sa ex-konsehal

Decemay P. Padilla/GMR - Banat

CEBU, Philippines - Kalambigitan sa trabaho ang gisubay nga anggulo sa kapolisan sa lungsod sa Cordova labot sa pagpusil patay sa usa ka kanhi konsehal sa Highway, barangay Pilipog. Miyerkules sa hapon gipusil patay sa wala pa mailhing mga mamumuno si Riel Inoc, 54-anyos, kanhi konsehal sa Pilipog.

Ang biktima naglakaw paingon sa ilang panimalay gikan nitambong og court hearing sa lungsod sa Argao dihang kalit nibutho ang duha ka suspek nga luwan sa usa ka motorsiklo dayung pusil kang Inoc sa makadaghang higayun.

Nakaangkon og samad pinusilan sa iyang lawas ug ulo ang kanhi konsehal hinungdan sa iyang hinanaling kamatayon.

Matud ni PO3 Erwin Gedorio, imbestigador sa Cordova Police, nga dunay nakasaksi sa maong hitabo nga usa ka trisikad driver apan wala na kini makaklaro pa sa dagway sa mga mamumuno nga nag- helmet ug kalit usab ang panghitabo ug mga buto na lang ang nadungog.

Suway nga gikuha ang habig sa pamilya sa biktima apan nagdumili na sila sa pagluwat og pamahayag apan si PO3 Gedorio miasoy nga sa impormasyon nga ilang nakuha wala’y kontra ang biktima. Na-recover sa crime scene ang unom ka kabhang sa bala sa kalibre .45 nga armas ug usa ka deformed slug lakip na usab ang usa ka cellphone diin ilang susihon ang mga text messages kun dunay death threat nga nadawat ang biktima. (BANAT NEWS)

ARGAO

CORDOVA

CORDOVA POLICE

ERWIN GEDORIO

GEDORIO

INOC

KALAMBIGITAN

PILIPOG

RIEL INOC

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with