Bisan alerto, mga tulisan nakaigo

CEBU, Philippines – Bisan pa man gipatuman ang full alert status sa kapolisan sa tibuok rehiyon nalutsan gihapon sila sa duha ka tulisan nga mitulis sa usa ka gasoline station ug miembargo pa sa service firearm sa gwardya niini.

Ang gasolinahan nahimutang sa  N. Bacalso Avenue Barangay San Nicolas Proper ning dakbayan sa Sugbo. Way nahimo ang kahera nga si Mary Ann Caballes, 25, dihang gitionan kini og armas sa upat ka tulisang nagmotor.

Nakuha ang P4 mil nga kinitaan sa maong gasolinahan ug gidala ang kalibre .38 nga armas sa gwardya nga may lima ka bala.

Matud ni city police director Senior Superintendent Noli Romana kinahanglang mailhan ang mga responsable sa maong tulis.

Gisusi karon sa kapolisan ang closed circuit television (CCTV) footage sa establisamento aron mailhan kun si kinsa ang upat. (BANAT NEWS)