City treasurer pailisan ni JVR?
CEBU, Philippines – Gitimbang-timbang karon ni Talisay City Mayor Johnny de los Reyes ang tinguhang paghulip kang City Treasurer Emma Macuto.
Kini human nakadungog si de los Reyes sa habig ni Macuto labot sa pagkalangan sa sweldo sa mga job orders.
“Nadungog na naku iyang habig ug karun ato’ng tun-an pagbalik,” matud ni de los Reyes.
Matud ni Macuto nga dili siya ang angay basulon sa kalangan sa sweldo sa mga JOs.
Si de los Reyes nagtuo nga dunay tawo nga nagdiktar kang Macuto nga malangan ang sweldo sa mga JOs aron pagguba sa iyang administrasyon.
Sayo niini si kanhi kongresista Eduardo Gullas mihulagway nga bangkarote na ang panudlanan sa Talisay gumikan sa dili maayong pagkadumala ni de los Reyes.
Si de los Reyes natingala nga nalangan ang sweldo nga unta naa man ang kwarta alang niini.
Gipasabot ni Macuto nga wala sa iyang buhatan ang problema kun dili anaa sa mga tawo nga naghimo sa mga dokumento nga dugay miabot sa ilang buhatan. – /GMR) (BANAT NEWS)
- Latest
