Cash sa seniors ihatag karon

CEBU, Philippines -  Karong adlawa ipahigayon sa kagamhanan sa siyudad sa Sugbo ang ikatulong hugna sa pagpanghatag og financial assistance alang sa mga senior citizens nga ipahigayon sa tagsa-tagsa ka barangay hall.

Matud sa City Treasurer sa siyudad, Diwa Cuevas, nga dul-an sa 60 mil ka mga senior citizens ang gipaabot nga mahatagan og tag dos mil pesos nga financial assistance karong adlawa. Gidugang ni Cuevas nga dunganon ang paghatag sa financial assistance sa south ug north districts.

Gitataw sa tresurera nga di kini motugot nga molapas ang mga senior citizens nga mahatagan sa maong kantidad tungod kay ang ilang appropriation sakto lang sa 60 mil ka mga senior citizens.

Ang pangulo sa Office of the Senior Citizens Affairs Rolando Llaguno miingon nga gihashasan  og maayo ang listahan.

Si City Administrator  Dr. Lucille Mercado sa iyang bahin miasoy nga  makuha ang financial assistance kun duna silay Senior Citizens ID. (/EIM)(BANAT NEWS)