^

Banat Balita

Mga Gica gikiha sa mga Garcia

Decemay P.Padilla - Banat

CEBU, Philippines- Gipasakaan ni Dumanjug Mayor Nelson Garcia og tulo ka kasong kriminal ang iyang bise-mayor ug usa ka konsehal nga magsuon kagahapon.

Ang mga kasong gipasaka batok nilang Bise Mayor Efren Gica ug Konsehal Erwin Gica mao ang malversation of public funds, falsification of public documents ug kalapasan sa Anti-Graft and Corrupt Practices Act. Si kanhi kongresista, Atty. Pablo Garcia, amahan sa mayor, nipakita og mga dokumento sa giingong anomalosong paggasto sa magsuong opisyal sa panudlanan sa lungsod.

Usa niini ang giingong pag-cash advance ni Erwin og P80 mil alang sa extended drug operation sa lungsod nga gihulagway ni Garcia nga wala nasubay sa balaud ug gigamit sa laing katuyuan.

Gihulagway sa mga Garcia nga nagkunsabo ang magsuong Gica sa pag-aprobar sa P80 mil ug migamit pa og mga alyas dihang mihimo og kaugalingong payroll ang konsehal.

Matud ni Mayor Garcia nga sa paglingkod ni Efren isip acting mayor dihang siya nasuspenso giingong nakapagawas kini og P8 milyones sulod lang sa duha ka buwan.

Karong semanaha usab gipaabot nga ipasaka ni Garcia ang tulo ka kaso sa Hunta Probinsiyal batok sa mga Gica ug siya nanghinaut nga hatagan og aksiyon ilabi na ni Gob. Hilario Davide III nga kaalyado sa mga Gica.

Samtang si Bise Mayor Gica miingon nga ang gihimo sa mayor usa ka pagpangilad sa katawhan ug mitataw nga ang iyang pagpagawas og pundo sa panudlanan sa lungsod nasubay sa balaud ug andam niyang atubangon ang mga kaso. - /GMR) (BANAT NEWS)

 

ANTI-GRAFT AND CORRUPT PRACTICES ACT

BISE MAYOR EFREN GICA

BISE MAYOR GICA

DUMANJUG MAYOR NELSON GARCIA

GARCIA

GICA

HILARIO DAVIDE

HUNTA PROBINSIYAL

MAYOR

  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with