Polis nilikay sa drug test patubagon

CEBU, Philippines - Patubagon sa hepe sa Waterfront Police Station ang usa niya ka sakop human wala makatunga sa surprise drug test niadtong Huwebes.

Si Insp. Wayne Magbanua, hepe sa Station 3, miingon nga iya nang gihatagan og memorandum ang maong polis kinsang ngalan gipugngan lang una.

Ang Station 3 adunay 57 ka polis apan 54 lang niini ang nakapa-drug test samtang ang duha nag-schooling ug naa’y hearing. Ang maong polis giingong gisigehan og kontak sa hepe apan dili gyud kini ma-kontak.

Niadtong Huwebes ang mga estasyonan sa kapolisan sa Talamban, Punta Princesa ug Waterfront gipa-ubos sa surprise drug test nga pinangulohan ni Deputy Regional Director for Operation, Senior Supt. Conrad Capa. - /GMR) (BANAT NEWS)