^

Banat Balita

Doktor, pasyente patay sa pagpamusil

Jojo Ugdol ug Decemay Padilla/EIM - Banat

CEBU, Philippines - Patay ang usa ka doktor human kini gipusil sa iyang pasyente diha sa sulod sa iyang klinika sa Sacred Heart Hospital sa Barangay Sambag II, Cebu City, samtang namatay ang suspetsado human kini gikatahong nagpusil sa iyang kaugalingon kagahapon sa buntag.

Human sa pipila ka oras nga pagtabang sa mga kauban niini nga doctor nakabsan gayud sa iyang kinabuhi si Dr. Cris Cecil Chan Abbu, 45, Orthopedic, taga Barangay Banilad ,Cebu City.

Samtang patay ‘sab ang iyang pasyente ug suspetsado nga si Wilfredo Sabonsolin, 72, taga Barangay Guadalupe ning dakbayan.

Matud pa ni SPO4 Alex Dacua, imbestigador sa Homicide Section sa Cebu City Police Office (CCPO) nga nahinabi sa Banat News gipusil sa suspek ang biktima atol sa pagkonsulta niini kabahin sa iyang pagkaparalisar tungod sa problema sa iyang spinal column.

Sumala pa ni Dacua wala magdahom ang mga guwardiya sa maong tambalanan nga dunay dalang armas si Sabonsolin sanglit nagsakay man kini og wheelchair ug naanad na ang mga guwardiya nga kanunay kining pasyente ni Abbu.

Kuyog sa suspek ang iyang helper nga Renel Tanilon, 29, kinsa nakadungog pa sa giistoryahan sa doktor ug sa iyang amo nga diin gitambagan kining magpa-physical therapy kay maulian ra kini.

Apan nakurat na lang si Tanilon nga kalit gipusil sa iyang amo si Abbu. Si Abbu naigo sa tuong bukton ug sa dughan. Human sa pagpusil daling gipangutana ni Tanilon ang amo kun nganong iya kadtong gibuhat, apan giingong wala siya tubaga niini ug sa karatol ni Tanilon midagan siya sa gawas sa klinika ug nangayo og tabang.

Diha sa gawas nakadungog na lang sila og buto sa armas ug dihang ilang gibalikan naghayang na si Sabonsolin sa iyang wheelchair ug wa nay kinabuhi ug may samad pinusilan sa walang tampihak niini.

Samtang si Abbu daling gitabang ug gidala sa emergency room apan nakabsan kini sa kinabuhi.

Sa nakuha nga impormasyon ni Dacua makaupat na gioperahan ni Abbu si Sabonsolin apan wa gihapon kini makabalik og lakaw ug giingong naproblema na kini sa kwarta.

 “Wala g’yud nagtoo ang guwardiya adto kay nag-wheelchair na gud ‘to nga misulod sa hospital. Wala sila kabantay nga kadtong iyang dala nga sling bag, armas na diay ang sulod,” matud pa ni Dacua. Nakuha diha sa crime scene ang tulo ka basiyo sa .380  ug duha ka bala.

Si Dacua nagtuo nga depresyon maoy nagtukmod sa suspek paghimo sa maong krimen.

Samtang gihulagway ni Superintendent Romeo Santander, hepe sa City Intelligence Branch nga dunay lapso ang mga guwardiya sa maong hitabo. Matud pa nga bisan unta og nagsakay og wheelchair kinahanglang susihon gyud og maayo ang mosulod sa mga tambalanan. (BANAT NEWS)

 

ABBU

ALEX DACUA

BANAT NEWS

CEBU CITY

DACUA

IYANG

SABONSOLIN

SAMTANG

TANILON

  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with