Dispatser nga milugos sa 5-anyos nadakpan
CEBU, Philippines - Usa ka 54-anyos nga dispatser ang gisikop human kini milugos sa usa ka singko anyos nga silingan niadtong Domingo sa buntag sa Barangay Bangbang lungsod sa Cordova.
Ang gidakop niadtong Lunes sa gabii mao si Ronald Fernandez human moreklamo ang inahan sa bata ngadto sa kapolisan.
Sumala pa ni Senior Inspector Alexander Nuñez, ang hepe sa Cordova Police Station, nahibulong ang inahan sa bata nga nagluya ang anak ug nagmulo sa iyang kinatawo, dihang gisukit-sukit ang bata mitug-an kini sa malaw-ay nga gibuhat kaniya sa suspek.
Ang inahan sa bata daling misumbong sa kapolisan, ug inabagan sa opisyales sa barangay nadakpan ang suspek.
“Na-noticed na lang na sa mama nga murag nagluya nga nagreklamo sa iyang private parts,†matud ni Nuñez kinsa midugang nga gidala ang bata ngadto sa abandonadong balay diin kini gimolestiya atol nga naglabada ang inahan niini.
Ang suspek gipasakaan og kasong rape kagahapon diha sa Cebu Provincial Prosecutor’s Office batok sa suspek. (BANAT NEWS)
- Latest
