^

Banat Balita

Nakapatay ni Ducayag nalutsan na’g warrant

Jojo C. Ugdol ug Analuz C. Abing - Banat

CEBU, Philippines - Gipalihok na sa Regional Criminal Investigation and Detection Unit 7 (RCIDU) ang ilang “Man Hunt Team” aron sa pagpangita sa duha ka suspetsado nga mikulata patay ni Alfie Ducayag nga giingon nga mikuha sa usa ka sandal sulod sa usa ka dakong mall sa dalan Colon niadtong Abril 12, 2013.

Kini ang gipamahayag ni Police Senior Superintendent Ritchie Posadas ang hepe sa RCIDU 7, human nga migawas ang warrant of arrest sa kasong murder batok nila ni Jeffrey Aquino ug Mauricio Doblados Jr., mga kanhi security personnel sa maong mall nga maoy mikulata-patay ni Ducayag sud sa security office sa  maong mall.

Ang warrant of arrest pinirmahan ni Judge Wilfredo Navarro sa RTC Branch 19.

Matud pa ni Posadas nga ilang mandato ang pagpangita sa maong mga suspek, busa iya nang gipalihok ang iyang mga sakop aron maaresto ang duha ka suspek sa labing dali nga panahon.

Si Shantylle Ducayag, igsuon sa biktima, mapasalamaton sa maong pag-ugmad sa kaso.

“Sobra among pasalamat jud sa development sa among kaso.” Sigon ni Shantylle sa presscon kagahapon kauban ang iyang inahan nga si Fe Soledad. Samtang ang kanhi house detective nga si Melvin Boyles nga nalambigit usab sa krimen himuong testigo human nagkuwang ang ebidensiya nga nakit-an ni Cebu Prosecutor Nicolas Sellon.

Apan si Shantylle nanghinaot nga agi’g pasalamat unta ni Boyles, iya untang buhaton kung unsa ang sakto ug mosulti sa kamatuoran kay kini nia man sa sulod sa security office pagkahitabo sa krimen. Si Shantylle ug ang iyang inahan nagluha nga nangayo og tabang ngadto sa publiko aron sa pagkasikop dayon nilang Doblados ug Aquino.

Nakig-alayon na sab karon si Posadas sa Provincial Officer sa CIDG-7 Police Chief Inspector Rene Sanchez Kyamko alang sa dugang impormasyon nga ilang makuha sa gitagoan karon sa duha ka mga suspek.

Gipanawagan sab karon ni Posadas ang duha ka mga suspek nga motahan na lang ug atubangon ang ilang kaso.

Giingon nga katapusan nga nasigpatan ang usa sa mga suspek didto sa lungsod sa Compostela, apan matud pa ni Posadas padayon pa nga ilang pag- verify sa mang report aron kini ilang masikop. (/EIM)(BANAT NEWS)

ALFIE DUCAYAG

CEBU PROSECUTOR NICOLAS SELLON

FE SOLEDAD

JEFFREY AQUINO

JUDGE WILFREDO NAVARRO

MAN HUNT TEAM

MAURICIO DOBLADOS JR.

MELVIN BOYLES

POLICE CHIEF INSPECTOR RENE SANCHEZ KYAMKO

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with