_banat
^

Mga opisyal sa HPG hadlok g’yud nga ang ilang kaso anhi husaya sa Sugbo

Mylen Manto/RUB (Banat) - May 1, 2014 - 12:00am

CEBU, Philippines - Kadtong mga opisyal sa PNP Highway Patrol Group-7 nga gipasanginlan nga nalambigit pagbanhig patay ni Atty. Noel Archival miawhag sa Provincial Prosecutor’s Office kagahapon nga dili usa nila imbestigahon ang kaso nga gisang-at batok kanila.

Daku g’yud ang pagtuo sa mao nga mga opisyal nga dili makiangayon kanila ang resulta sa imbestigasyon sa kaso kun anhi kini husaya sa Sugbo kay ang mga piskal nagtuo man g’yud nga sila sad-an.

Gusto sa mga opisyal nga gipasakaan og kaso nga ang mga piskal magpaabot sa resulta sa awhag nila sa Department of Justice (DOJ) sa dili pa mohimo og preliminary investigation sa kaso.

Ang National Bureau of Investigation (NBI) mipasaka og kaso nga multiple murder ug frustrated murder batok nila ni Senior Superintendent Romualdo Iglesia, Senior Inspector Joselito Lerion, Chief Inspector Eduardo Mara, SPO4 Edwin Galan og PO1 Alex Bacani. Sila ang gitumbok nga nalambigit pagbanhig ni Archival ug kaubanan didto sa Barangay Corro, Dalaguete kaniadtong Pebrero 18. Gawas ni Archival, duha ka kauban sa abogado ang napatay ‘sab ug laing usa ang naangol. Wala pa masuta unsa’y baruganan sa piskaliya sa gisang-at nga awhag sa mao nga mga opisyal nga dili usa sila mohimo’g preliminary investigation sa kaso kay gusto nila nga adto sa Manila husaya ang kaso nga gisang-at kanila.

Gisupak sa kabanayan ni Archival nga adto sa Manila husayon ang kaso kay sakripisyo na kaayo kini ang pagtambong nila sa husay.

Samtang ang NBI ‘sab kagahapon misang-at og dugang ebidensya sa piskalya nga gituohan nila nga makapasamot sa kalig-on sa ilang gipasaka nga kaso batok sa mga opisyal sa Highway Patrol.

Matud sa NBI nga bisan og napasaka na nila ang kaso sa piskaliya padayon pa sila nga nangapkap og ebidensya sa kaso.

Sa laing bahin, ang abogado sa mga sinumbong misang-at og Supplemental Motion sa nahauna na nga Motion to Quash Search Warrant nga giduso nila sa hukmanan aron ipadeklarar nga inbalido ang search nga gihimo sa NBI.

Matud sa abogado sa HPG nga bisan dili apil sa butang nga gibuta’ng sa korte nga sakmiton gikuha pag-apil sa NBI ang log book sa gwardiya nga nagbantay sa Impounding Area sa mga sakyanan sa HPG. Didto sa logbook nahibaw-an nga ang mga sakyanan nga gigamit sa mga mipatay ni Archival kabahin diay sa mga gipang-impound sa HPG apan gigamit-gamit nila human pang-ilisi ang mga plate numbers. (BANAT NEWS)

ALEX BACANI ANG NATIONAL BUREAU OF INVESTIGATION BARANGAY CORRO CHIEF INSPECTOR EDUARDO MARA DEPARTMENT OF JUSTICE KASO NILA
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with