“Pusher,” upat kaestudyante nasikop
Bryner L. Diaz (Banat) - April 6, 2014 - 12:00am

CEBU, Philippines - Usa ka gipasanginlang drug pusher ug upat ka mga estudyante sa kolehiyo ang nadakpan human gikatahong naatlan nga nagsuyop og shabu atol sa buy-bust operation pasado alas-6 sa miaging gabii diha sa Poblacion East sa lungsod sa Moalboal.

Ang nasikop naila nga si Sergio Decosto, 23, giingong maoy mibaligya og shabu ngadto ni Insp. Edgar Labe nga nagpatuo nga buyer.

Samtang ang mga estudyante nga nasikop naila nga sila si Jacob Rey Mahinay, 19, Carlo Cabra, 19, Louie Jay Abonales, 19, ug si Mon George Gabunales, 20. Si PO3 Edwin Illut nga nahinabi sa Banat News miingon nga ang ilaha mismong hepe sa Moalboal ang nangunay nga nagpakaaron-ingnong poseur buyer sa maong operasyon.

Matud pa nga dihang gitunol na ni Decosto ang duha ka paketeng shabu ug gidawat niini ang marked money gisikop gilayon siya sa kapolisan. Lakip na sa gisikop ang upat ka mga estudyante tungod kay giingong naatlan gyud sila nga nagsuyop sa sulod sa balay ni Decosto.

Si Decosto mag-atubang og kasong kalapasan sa Section 5, 11, 12 sa Article 2 sa Comprehensive Dangerous Drugs Act. Samtang ang upat ka mga estudyante mag-atubang og kasong kalapasan sa Section 15, Article 2 sa nahisgotan nga balaod tungod sa paggamit nila og ilegal nga drugas. (BANAT NEWS)

BANAT NEWS CARLO CABRA DECOSTO DRUGS ACT EDGAR LABE EDWIN ILLUT JACOB REY MAHINAY LOUIE JAY ABONALES MOALBOAL
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with