^

Banat Balita

Mga kapitan wala manunga sa seminar kabahin sa paghipos sa mga basura

Rene U. Borromeo - Banat

CEBU, Philippines - Giyam-iran lang sa kadaghanan sa mga kapitan sa 80 ka barangay dinhi sa dakbayan sa Sugbo ang awhag pagpatambong kanila og seminar aron unta matudloan sila unsaon ang pagpatuman sa balaud kabahin sa tukmang paghipos sa mga basura.

Ang tibuok adlaw nga kalihukan pagatambongan unta sa tanan g’yud nga mga kapitan ug sa mga konsehal sa barangay nga maoy nagdumala sa Committee on Public Services ug Committee on Environment.

Apan nasuta base sa rekord nga hangtod kagahapon sa udto, 29 lang ka kapitan ang nagpalista nga kunohay sila mitambong sa seminar apan nabantayan sa mga reporters nga ang ubang kapitan migawas pa g’yud og nagsuroy-suroy sa City Hall.

Si Amancio Dongcoy, kawani sa Department of Environment and Natural Resources (DENR) ug sakop sa Cebu City Solid Waste Management Board, mi-lecture sa mga opisyal sa barangay kun unsay mahitabo kanila kun dili sila makapatuman sa balaod.

Gipasabot ni Dongcoy nga ang mga opisyal sa barangay, ilabi na gayud ang mga kapitan, mahimo sila nga mapasakaan og kaso paglapas sa Republic Act 9003, kon Ecological Solid Waste Management Act, sa higayon nga mapakyas sila pagpatuman sa balaod.

Dinhi sa dakbayan sa Sugbo may kapitan na kaniadto nga gikiha tungod kay wala makapatuman sa balaud ug hinoon nagtipun-og ang basura atubangan sa iyang balay.

Matud ni Dongcoy nga susihon nila ngano nga gamay ra sa 80 ka kapitan sa barangay ang mitunga sa gipatawag nga seminar kagahapon.

Giangkon ni Dongcoy nga daghan pa kaayo nga barangay ang wala makapatuman sa balaud nga ilain gayud ang mga basura nga madugta ug kadtong dili madugta.

Sa laing bahin, si Rolly Ardoza nga maoy hepe sa Department of Public Services (DPS) nga gitugyanan sa paghipos sa mga basura, mipasalig nga ipasusi niya nganong aduna gihapo’y magtipun-og nga basura diha sa dalan Tres de Abril bisan alas nueve na sa buntag.

Matud ni Ardoza nga ang mga Barangay Environmental Officers (BEO) angay’ng idistino dinhi aron manakop sa mga magpataka’g labay sa ilang basura.

Pabor usab si Dongcoy nga ang mga BEO sa usa ka barangay adto idistino sa laing barangay aron dili sila magpangikog sa pagpatuman sa balaud.  (BANAT NEWS)

BARANGAY

BARANGAY ENVIRONMENTAL OFFICERS

CEBU CITY SOLID WASTE MANAGEMENT BOARD

CITY HALL

DEPARTMENT OF ENVIRONMENT AND NATURAL RESOURCES

DEPARTMENT OF PUBLIC SERVICES

DONGCOY

ECOLOGICAL SOLID WASTE MANAGEMENT ACT

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with