_banat
^

Banat Balita

Organizers sa ‘Kasadya sa Talisay’ wala pa mabayri sa siyudad — Diaz

Brenda Batuto - Banat

CEBU, Philippines - Giaprobahan na sa konseho sa dakbayan sa Talisay kagahapon atol sa ilang regular sesyon ang resolusyon nga nag-awhag kang City Budget Officer Edgar Mabunay sa pagpagawas og budget alang sa bayad sa mga organizer kinsa maoy mi-organized sa “Kasadya sa Talisay” niadtong milabay’ng pista sa siyudad sa buwan sa Oktubre sa milabay’ng tuig.

Si city councilor Aldin Diaz kinsa maoy nangamahan sa nahisgutang resolusyon sa iyang privilege speech nagkanayon nga ang gi-tapped sa siyudad nga mga organizer mao ang AIM Promotion ug Spring Production alang sa 15 ka adlaw sa Kasadya sa Talisay diin mikabat ngadto sa P1.2 milyon ang balanse sa siyudad sa balayranan ngadto sa mga organizer.

Matud ni Diaz nga dili makiangayon ang sistema tungod kay hangtud karon wala pa mabayri sa siyudad ang maong balanse ug naikog na siya sa organizer.  Niining ulahi lang sa gipahigayong Sinulog sa Kabataan ang city budget officer mipagawas dayon og milyones nga budget alang sa maong event.

“My question is this, why do we have to spend another millions of pesos for one day and yet we haven’t paid our organizer, the AIM Promotion that has a refund of P1.280 million and Spring Production in the amount of P150,000 which has been accumulated for 15 days?”, ni Diaz pa.

Gibutyag ni Diaz nga ang kagamhanan sa probinsiya mihatag og P650,000 niadto alang sa Kasadya sa Talisay.

Matud ni Diaz nga isip chairman sa Tourism Council obligasyon niya ang pagpresentar og mga kalihukan alang sa Talisay nga naglangkub sa historical ug cultural activities.

“As chairman of the tourism council, I cannot anymore bear any shame to our partners, our organizers, that we cannot pay this amount. I am not against of our former officer/budget officer to represent the city but I just want proper channeling and coordination with the tourism council,” matud pa ni Diaz.

Si Mabunay sa iyang bahin, nagkanayon kini nga wala siya makasabot kung nganong siya maoy gibasol ni Diaz sa pagkalangan og bayad ngadto sa mga organizer.

Si Mabunay mikwestiyon kung asa i-charge ang gipangayo ni Diaz nga wala man kini mosumitir ngadto kaniya og project proposal sa kalihukan.

Matud usab ni Mabunay nga ang angayang gibuhat unta ni Diaz sa wala pa ang mga activity naggama unta kini og activity design aron dili masugamak sa problema. (BANAT NEWS)

ALDIN DIAZ CITY BUDGET OFFICER EDGAR MABUNAY DIAZ KASADYA MATUD SI MABUNAY SPRING PRODUCTION TOURISM COUNCIL
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with