DSWD mipadala’g 5,000 ka putos nga hinabang sa Tacloban
Liezl Mabini Frasno (Banat) - November 11, 2013 - 12:00am

CEBU, Philippines - Ang Department of Social Welfare and Development sa Central Visayas (DSWD-7) bag-ohay lang nagpadala og kapin sa 5,000 ka pinutos nga  hinabang ngadto sa DSWD Field Office VIII sa syudad sa Tacloban.

Matud pa ni Semeon Remata III, usa sa mga tigpamaba sa DSWD-7 nga ang maong mga pagkaon personal nga ihatod sa Armed Forces of the Philippines (AFP) C130.

Gipadayag ni Remata nga sa pagkakaron nanginahanglan gayud sila og mga tawo nga mobulontaryo sa pagtabang sa pagpamutos og mga pagkaon ug uban pa. Samtang gidasig usab ni DSWD-7 Regional Director Mercedita Jabagat ang mga academe, mga relihiyosong grupo ug uban pang pundok sa mga sibilyan nga motabang sa maong relief operations sa buhatan sa DSWD-7.

"The agency is targeting twenty thousand (20,000)  family packs to be readily available the soonest possible time for distribution to the affected areas in Eastern Visayas", kini matud pa ni Jabagat. Gipasabot ni Jabagat nga ang relief operations alang sa mga apektadong lungsod nga naigo sa bagyong Yolanda sa probinsya sa Bohol ug Sugbo nagsugod na.

Samtang ang relief operations alang ngadto sa mga biktima sa miaging linog didto sa probinsya sa Bohol nagpadayon pa gihapon tungod niini ang ilang ahensya nagkinahanglan kaayo niadtong adunay mga malumong kasing-kasing kinsa boluntaryong motabang kanila sa pagpamutos og mga hinabang nga pagkaon ug uban pa alang sa dinaliang pang-apud-apod  niini.

Gibutyag ni Remata nga kung kinsa kadtong moboluntaryo sa pagtabang, mahimo silang  mokontak sa DSWD Hotline sa (032) 232-9507 o ba kaha mobisita ngadto sa DSWD Regional Office 7 nga nahimutang sa Corner MJ Cuenco ug General Maxilum Avenue, Barangay Carreta sa dakbayan sa Sugbo ug pangitaon lamang ang Volunteer Management Desk. (/WC)(BANAT NEWS)

 

ANG DEPARTMENT OF SOCIAL WELFARE AND DEVELOPMENT ARMED FORCES OF THE PHILIPPINES BARANGAY CARRETA BOHOL CENTRAL VISAYAS DSWD EASTERN VISAYAS FIELD OFFICE
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with