Kanhi peryodista magpapili nga konsehal

CEBU, Philippines - Usa ka kanhi peryodista sa The Freeman  ug Visayan Herald magpapili  isip  konsehal    sa barangay  Basak, sa dakbayan sa Mandaue sa umaabot  nga  election sa barangay.

Si Ernie Arcenas,  usa ka Assistant Project Director sa Community Development  Outreach Project  ni kanhi gobernador  Vicente  Tingting  dela Serna.

Gusto  niyang  katukoran  og sports  complex, barangay  high school ug  uban  pang  proyekto  ang  maong  barangay.

Busa sa umaabot nga Oktubre 28, andam na sa  bugnong  lugaynon  si Arcenas.

Samtang nanlimbasog  ni Engr.Antonio Canoy  sa pagtabang  sa iyang  mga  silingan nga nabiktima  sa linog  niadtong Martes.

Si  Canoy magpapili  sa pagka-kapitan  sa barangay  Kalunasan, sa dakbayan  sa Sugbo nagkanayon nga  tungod  kay nasinati  na  kaniya  ang  iyang  tagi-barangay, daghan  ang  mga  miduol  kaniya  ug  mipasusi  sa ilang  mga  balay kun wala  bay  kuyaw  nga balikan  sa pagpuyo  gumikan  sa mga  nangliki  nga  mga  bongbong  niini.

Miingon  si  Canoy  nga  isip inhinyero  iyang  gihalad ang  iyang  kaugalingon  sa pagsilbi  sa iyang  mga  silingan.

Wa siya’y  gipili,  mga  dagko  ug  gagmay  nga  balay  iyang  gisusi  ug  lakip  ang  mga  balay  patigayon  sa maong  lugar  isip  pagsilbi  kanila  sa kinasingkasing. (BANAT NEWS)