MCIA nasirad-an og kadiyot tungod sa linog
Bong Soriano (Banat) - October 16, 2013 - 12:00am

CEBU, Philippines - Nabalik na sa normal ang operasyon sa Mactan Cebu International Airport kagahapon sa hapon human sa pag-emergency evacuation sa mga personnel ug mga pasahero niini  tungod sa kusog nga linog kagahapon sa buntag.

Gumikan sa maong linog nahugno ang kisame sa domestic departure area ug sa waiting lounge sa mga pasahero sa maong tugpahanan.

Matud pa ni MCIA PIO Mary Ann Demabayao dunay mga pasahero ang nasamdan ug dali kining giatiman sa ilang medical team apan walay nagrabehan o namatay.

Sa gihimong pakisusi sa engineering department sa MCIA walay kadaut sa runway sa maong tugpahanan hinungdan nga makatugpa ug makalupad gihapon ang mga abyon sa ilang mga destinasyon.

Gumikan niini, tanang pasahero nga mobiya sa Sugbu adto kini maghulat sa ilang flights sa MIP nga nahimutang tupad sa MCIA ug Mactan Air Base.

Samtang ang mga bagahe sa mga pasahero nga moabot dinhi sa Sugbu didto kini kuhaon sa hangar sa cargo section sa maong tugpahanan.

Samtang mikang-a usab ang expansion joint sa Marcelo Fernan Bridge diin gikahadlokan sa mga jeepney de pasahero ang pagtabok niini.

Gumikan sa maong hitabo ang mga empleyado sa Mactan Economic Processing Zone gipapauli na lang ug nanirado ang mga pabrika.

Ang mga malls sa dakbayan sa Lapulapu gipasirad-an tungod sa peligro.

Samtang si Lapulapu City Mayor Paz Radaza mideklarar og walay klase sa secondary ug elementary sa dakbayan sa Lapulapu.

Nunot sa maong kamanduan ang mayor mihatag og higayon sa mga tagdumala sa mga hotels, resorts and restaurants ug mga tunghaan sa paghimo og on the spot inspection sa ilang mga edipisyo sa dili pa niini sugdan ang ilang operasyon aron malikay sa disgrasya. (BANAT NEWS)

GUMIKAN LAPULAPU CITY MAYOR PAZ RADAZA MACTAN AIR BASE MACTAN CEBU INTERNATIONAL AIRPORT MACTAN ECONOMIC PROCESSING ZONE MARCELO FERNAN BRIDGE MARY ANN DEMABAYAO SAMTANG SUGBU
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with