Bar managers mitiyabaw tungod sa liquor ban
Lesley Caminade-Vestil (Banat) - October 3, 2013 - 12:00am

CEBU, Philippines - Mitiyabaw karon ang mga nagdumala og mga bars diha sa Mango Avenue atol sa pagpatuman sa liquor curfew nga nagsugod niadtong Oktubre 1.

Ang maong mga disco bars nasulod sa "100 meter radius" nga duol sa simbahan, tambalanan ug tunghaan nga bugtong gidid-an sa ordinansa sa siyudad nga bawal mobaligya og bino kung di pa alas-10 sa gabii ug kutob lang sa alas-2 sa kaadlawon.

Alas dos kagahapon sa kaadlawon, hinay-hinay nang naghipos ang mga tagdumala sa Hybrid Bar tungod usab sa ka mingaw ug tungod sa ilang pagpatuman sa liquor curfew.

Apan reklamo sa supervisor sa Hybrid disco bar nga si Jacqueline Prias nga hilabihan kadako ang ilang alkanse tungod sa kamubo sa oras nga gitugot nga makabaligya sila og bino.

Matud niya mikunhod ngadto sa 75 ngadto 80 porsiyento ang ilang halin kun itandi sa kaniadto. Susamang reklamo usab ang gipadayag sa assistant manager sa Juliana Disco Bar nga si Marlon Maglasa.

Matod pa ni Maglasa nga kun gamay ang ilang kita apektado usab ang ilang mga trabahante tungod kay adunay posibilidad nga sila manaktak   og mga tawo. Buot nilang patas-an ang oras sa liquor curfew. (BANAT NEWS)

APAN BUOT HYBRID BAR JACQUELINE PRIAS JULIANA DISCO BAR MAGLASA MANGO AVENUE MARLON MAGLASA MATOD
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with