Drug lord nga nagtago sa isla gironda
Lesley Caminade-Vestil (Banat) - September 7, 2013 - 12:00am

CEBU, Philippines - Gironda sa kapolisan ang giingong hide-out ug panimalay sa giingong usa sa mga drug lord sa Sugbo sa mga hiniusang pwersa sa kapolisan gikan sa Regional Anti-illegal drugs special task group, regional mobile group ug provincial intelligence branch didto sa isla sa Banacon sa lungsod sa Getafe, Bohol sa miaging adlaw.

Ang mga nasikop mao silang Harold Bejasa alyas Rambo, 23, molupyo sa barangay Ermita kinsa giingong bata-bata sa gihulagway nga drug lord nga si Rowen Secretaria alyas Yawa.

Nasikop usab ang lookout sa grupo nga si Chardilito Conson, 31, molupyo sa maong dapit kinsa maoy tigbantay sa mangabot nga mga pumpboats sa isla aron daling mapahibalo si Secretaria.

Pasado alas-9 sa buntag uban ning tigbalita, sakay sa tulo ka pumpboat ug speedboat gisulong sa kapolisan ang isla sa Banacon dala ang search warrant nga pinirmahan ni RTC Branch 10 Judge Soliver Peras batok kang Secretaria.

Apan si Conson misugat sa flotilla sa kapolisan diha sa lawod sakay og pumpboat ug pagkakita niya nga polis ang mga sakay gituohang mitawag kini sa cellphone maong nakaikyas si Secretaria.

Wala makaikyas si Conson tungod kay naaberya ang makina sa iyang pumpboat maong gibalikan sa speedboat ug gidakop, apan wala nay cellphone nga nakuha gikan kaniya.

Pito dayun ka mga tawo nga diha sa payag-payag ang gi-hold una sa kapolisan samtang padayon silang misusi sa isla aron pangitaon si Secretaria apan giingong nakasibat na kini dayon ug nagdala og armas.

Sa gihimong pagsiksik sa usa sa ilang mga payag-payag sa daplin sa pantalan narekober ang kalibre .45; .9mm, kalibre .38 revolver ug usa ka airsoft KG9 replica.

Gawas niini, narekober usab sa kapolisan ang kahimanan sa komunikasyon susama sa radyo ug mga drug paraphernalia.

Gawas sa armas, diha usab ang mga pipila ka magazine, silencer ug mga nagkadaiyang bala sa nagkadaiyang armas.

Human niini, didto na usab gisuhid sa kapolisan ang panimalay ni Yawa nga kasamtangan pa kining gi-construct  ug narekober didto ang duha ka dagkong plastic sa gituohang shabu nga giingong gibana-banang mobalor og 3.5 milyones pesos nga adunay gidaghanong 300 gramos.

Ang hepe sa PIB Chief Insp. Rodolfo Albotra ug hepe sa RAIDSOTG Chief Insp. Marvin Sanchez ang nangulo sa maong operasyon.

Matud pa nga nakadawat sila og taho kalabot sa lokasyon ni Secretaria sa maong isla.

Ang deputy chief sa RAIDSOTG Sr. Insp. Henrix Bancoleta, mipadayag nga taud-taud na silang naghupo-hupo kang Secretaria  nga usa sa mga drug lord sa dakbayan sa Sugbo.

Gipadayag usab ni Bancoleta nga ang isla sa Banacon mao lang ang tagoanan ni Yawa basta init ang mga awtoridad sa Sugbo.

Nasagmuyo usab ang kapolisan sa gipakitang pagtagad sa pipila ka lokal nga opisyales ug ang mga residente sa maong dapit tungod kay wala mokooperar kanila.

“Natingala gani mi diri kay wa kuno sila makaila sa among subject nga si Yawa (Secretaria) pero sa among info ilado kaayo ni siya dinhi mahadlok gani ning mga tawo nila diri,” matud pa ni Bancoleta.

Samtang si Rambo nga nasikop mihimakak usab sa pasangil batok kaniya nga dili siya tirador sa ilang grupo ug wala usab siyay kalabotan sa grupo ni Yawa. Mihimakak usab si Conson sa pasangil batok kaniya.

Ang hiniusang pwersa sa kapolisan padayun pa usab karun nga nangita kang Yawa nga daling nakadagan atol sa operasyon.

Si Conson ug Bejasa kusganong mihimakak nga ilaha ang mga nakuhang illegal nga drugas ug mga armas. (/EIM) (BANAT NEWS)

 

BANACON CHIEF INSP CONSON KAPOLISAN SECRETARIA SUGBO USAB YAWA
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with