_banat
^

Banat Balita

Banat News ug the Freeman nangharos sa 2013 CAMMA

Kristine Quintas/EIM - Banat

CEBU, Philippines - Sa ikatulong higayon nga pagsalmot sa Banat News sa Cebu Mass Media Awards sud sa unom ka tuig nga gihimo kagahapon diha sa SM Activity Social Hall subli niining giharos ang major categories sa maong prestihiyosong award-giving body. Ang mihatag sa awards mao mismo si Cebu Archbishop Jose Palma uban ni Msgr. Trinidad Silva Jr. ngadto sa mga mananaog.

Ang Banat News sa ikatulong higayon misakmit sa Best in Investigative Reporting nga estoryang “Gubat Batok sa Dengue Gilusad sa Minglanilla” nga sinuwat ni Brenda Batuto, ang senior reporter sa Banat News. Ang Minglanilla nag-una sa dunay labing daghang kaso sa makamatay nga sakit nga dengue sa probinsya sa Sugbu niadtong tuig 2012 maong gilusad nila ang lapad nga kampanya pagpangita sa mga itloganan sa mga lamok.

Ang ikaduhang major award nga nakuha ning pamantalaan mao ang Best in Feature Writing nga sinuwat ni Ma. Eleanor Valeros nga gititulohan og “Akong Bugsay” sa Tingusbawan Section sa Banat News nga mogula matag adlaw nga Lunes.

Ang maong estorya naghisgot bahin sa tawo nga nag-ingon ang matag usa kanato adunay kaugalingong “bugsay” gikan sa pagkatawo. Anaa na lang kaniya kung iyaha kining puniton ug gamiton alang sa iyang kalamboan.

Gawas sa maong award, gihatagan usab ang Banat News og special citation sa CAMMA tungod sa “Special Reporting” niini nga gititulohan og Liboan Ang Misaksi Pagdala kang Beato Calungsod Ngadto sa Vatican.”

Ang nagsuwat niini mao sila si Romeo Limpangog ug Marigold Lebumfacil diin naghisgot sa grabeng debosyon sa mga Sugbuanon kang San Pedro  Calungsod.

Samtang ang The Freeman nga igsuong pamantalaan sa Banat News misakmit usab sa Best in Column Writing pinaagi ni Fr. Roy Cimagala sa iyang column nga “Hints and Traces.”

Gisakmit usab ni Archie Modequillo ang Best in Feature Writing sa iyang “Porvida”  col Slick Sunday Lifestyle.

Dugang gisakmit sa The Freeman mao ang Best in Editorial nga diin naghisgot sa mga isyu sa katilingban ug ang baruganan sa pamantalaan bahin niini.

Si Valeros makaduha na ka higayon nga nakadaog sa mao gihapong kategoriya niadtong milabay’ng CAMMA, samtang si Modequillo makaduha na makadaog sa mao gihapong kategoriya ug si Fr. Cimagala makaupat na ka higayon nga midaog sa Besti in Column Writing sukad nga siya nasulod sa The Freeman. (BANAT NEWS)

ACTIVITY SOCIAL HALL AKONG BUGSAY ANG BANAT NEWS ANG MINGLANILLA ARCHIE MODEQUILLO BANAT NEWS COLUMN WRITING FEATURE WRITING
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with