Dalagita patay, 6-anyos naangol human gidaro sa 6-wheeler truck
Darrel Carumba, Bryner L. Diaz (Banat) - September 1, 2013 - 12:00am

CEBU, Philippines -  Patay ang 11- anyos nga dalagita ug naangol ang 6-anyos nga bata nga iyang angkas sa biseklita human kini madasmagi og six-wheeler truck samtang paingon na untang mamauli gikan nga gisugo pagpamalit og sud-an sa merkado didto sa barangay Ticad atubangang bahin sa Bantayan Central School sa lungsod sa Bantayan isla sa Bantayan niadtong Biyernes sa alas 4:20 sa hapon.

Ang patay nang nadangat sa tambalanan mao si Lovely Jean Teanyo, 11-anyos  taga Sityo Serkulo, barangay Ticad ang nagmaneho sa biseklita ug angkas niya ang laing biktima nga si Jamaica Dawa, 6-anyos ug nagpuyo sa maong lugar.

Ang drayber sa 6-wheeler truck nga nakadasmag nila mao si Cefirino Pastrano Jr., 32, ug taga barangay Talisay lungsod sa Santa Fe.

Matud ni PO2 Jeoram Desucatan sa Bantayan Police Station dihang nahinabi sa Banat News  ang mga biktima gikan sa merkado human gisugo pagpalit og sud-an nga hotdog.

Samtang sila paingon na untang mopauli sakay sa biseklita pag-abot sa maong lugar kalit lang kining gidasmagan sa maong 6 -wheeler truck ug tungod sa kakusog sa impact ang 6- anyos nga angkas nalabay og pipila ka metros ug didto motugpa sa karsada samtang ang 11- anyos nga dalagita nga maoy nagmaneho sa biseklita maayong pagkapasok sa ilawom nga bahin sa sakyanan kauban ang iyang biseklita.

Naguyod pa og pipila ka metros una nakahunong ang sakyanan ug daling gikuha ang mga biktima dayun gihatud sa Bantayan District Hospital apan ang 11-anyos gideklarar nga dead on arrival tungod sa grabeng kadaot sa lawas ug ulo. Samtang ang drayber sa sakyanan kasamtangan karung gibalhog sa karsel human gihikay usab ang kasong ipasaka batok niya. (BANAT NEWS)

ANYOS BANAT NEWS BANTAYAN CENTRAL SCHOOL BANTAYAN DISTRICT HOSPITAL BANTAYAN POLICE STATION CEFIRINO PASTRANO JR. JAMAICA DAWA JEORAM DESUCATAN LOVELY JEAN TEANYO
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with