^

Underground project sa VECO sa Osmeña Blvd. gipahunong ni Rama

Jessa Agua (Banat) - June 27, 2013 - 12:00am

CEBU, Philippines - Temporaryong gipahunong ni Mayor Michael Rama ang pagmuntar og kahimanan alang sa proyekto sa VECO nga paglubong na unya sa tanang mga kable sa kuryente diha sa Osmeña Boulevard.

Kini human wa mauyoni sa mayor ang plano nga ibutang ra sa sidewalk ang mga transformers ug switch gears nga mag-distribute sa kuryente ngadto sa electric wires nga ilubong unya ilawom sa sidewalk.

“I do not have anything against the project. This is to beautify Cebu City. But let us also take into consideration public safety. Chances are, these transformers may bring harm than betterment,” si Rama namulong.

Ang gikahadlukan sa mayor mao nga ang imuntar nga transformers ug switch gears mahimo unyang tambayanan sa mga libudsuroy, ihian sa mga tawo, ug labayan sa basura.

“Because the apparatus is tall, it tends to block the sidewalk.

Lawless individuals or those contemplating to commit crime can hide themselves while waiting for their victims. We cannot allow that,” dugang sa mayor.

Ang maong proyekto gitawag og Beautiful Cebu Movement nga gilangkuban sa mga Sugbuanong magpapatigayon ingon man mga pilantropo gipanguluhan ni Dame Mariquita Salimbangon Yeung.

Tumong sa maong programa nga mahimo’g presentable ang makasaysayanong dalan gikan sa Kapitolyo lahos sa tibuok Osmeña Boulevard.

Ubos niini ang pag-semento sa sidewalk ingon man ang pagwagtang sa mga poste ug wire aron hapsay tan-awon ang daplin sa kadalanan.

Buot ni Rama nga tun-an og maayo sa VECO ang pagpahimutang sa ilang mga ekipo ug gamit aron di mamahimong peligro sa katawhan. (BANAT NEWS)

BEAUTIFUL CEBU MOVEMENT BUOT CEBU CITY DAME MARIQUITA SALIMBANGON YEUNG MAYOR MICHAEL RAMA OSME RAMA
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with