^

Banat Balita

Garbo ug Magpale gikasohan ni Paulo Garcia

Banat

CEBU, Philippines -  Kasong administratiba na usab ang gipasaka sa anak ni Gob. Gwendolyn Garcia nga si Pablo “Paolo” Garcia III batok sa mga opisyal sa kapolisan may kalabutan sa padayong tensiyon sa Kapitolyo.

Ang gipasakaan og kaso sa buhatan sa Ombudsman mao sila si C/Supt. Marcelo Garbo, ang hepe sa Police Regional Office 7; Supt. Leopoldo Cabanag, commanding officer sa Regional Public Safety Battalion (RPSB); ug Inspector Alvino Enguito.

Sa maong kaso, gilakip na ni Paolo si acting Gob. Agnes Magpale kinsa giingong maoy nagsugo sa kapolisan nga ipabungkag ang mga tulda nga gipahimutang atubangan sa Kapitolyo nga gigamit sa mga tigpaluyo sa iyang inahan sa dihang gipakanaug ang suspension order.

Sayo niini si Paolo nisang-at usab og kasong kriminal batok sa nahisgutang mga opisyal sa kapolisan sa Cebu City Prosecutor’s Office gumikan sa giingong pagkawat sa mga tulda sanglit hangtud karon wala gihapon giuli sa mga sinumbong ang maong mga butang nga inabangan ni Paolo.

Sa kasong kriminal, gilakip ni Paolo sa pagpasaka sa kaso si DILG Secretary Manuel Roxas kinsa gitumbok nga nagsugo sa kapolisan nga ipakuha ang mga tulda.

Giingong inabangan ni Paolo ang mga tulda sa Sheentrade Marketing sa tag P2,600 matag usa matag gabii aron unta gamiton sa mga nagbilar nga mga tawo niadtong Disyembre 19.

Apan daan nang gitubag sa PRO-7 ang maong alegasyon nga wala kawata ang maong mga tulda tungod kay gihipos ra kini ug gibantayan diha sa luyong bahin sa Kapitolyo.

Gilikayan sa kapolisan nga mangabot ang bagang mga supporters sa mga politiko diha sa Kapitolyo nga magmugna na hinuon og kagubot.

Samtang padayun ang pagbilar, dul-an sa usa ka gatos ka kapolisan ang giingong niabog sa mga tawo ug niguba sa mga tulda. (EIM) (BANAT NEWS)

AGNES MAGPALE

CEBU CITY PROSECUTOR

GWENDOLYN GARCIA

INSPECTOR ALVINO ENGUITO

KAPITOLYO

LEOPOLDO CABANAG

MARCELO GARBO

POLICE REGIONAL OFFICE

  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with