Polusyon hangin sa Sugbo luwas pa

Mitchelle L. Palaubsanon (Banat) - December 9, 2012 - 12:00am

CEBU, Philippines -  Tungod nagkabagang polusyon sa nasud karong mga panahona, ang Department of Environment and Natural Resources-7 miawhag sa mga motorista ilabi na niadtong mga adunay mga kaugalingong sakyanan nga kung mahimo mogahin og usa ka adlaw nga dili nila gamiton ang ilang sakyanan.

Kini aron makatabang sa pagpamenus sa carbon emissions ug makakonserbar pa sa enerhiya ug bisan na sa ilang kwartang gastuhon sa gasolina o krudo.

Gisugyot nilang mas maayong magbisekleta nalang sila o ba kaha mosakay og jeepney kini bisan paman mas komportable ang pagsakay sa kaugalingong sakyanan.

Matud pa ni DENR-7 regional executive director Isabelo R. Montejo mas maayong mogamit og alternatibong matang sa transportasyon sama sa bisekleta, maglakaw o ba kaha manakay og pasaheroan aron makatabang sa kalimpyo sa hangin.

“Our emissions inventory in 2011 indicates mobile sources such as motor vehicles have contributed 58 percent of the overall emissions. Thus, we are strongly urging vehicle owners to join us in our campaign while we promote wellness and healthy practices,” matud pang Montejo.

Base sa pagtuon, sa unang kwarter sa 2012, ang Metro Cebu nakarehistro og “good and fair air status” ilabi na sa “total suspended particulates (TSP)” ug “level of particulate matter 10 microns in diameter or smaller (PM10).

Matud pang Montejo sa 2012 TSP monitoring results nga gipagawas sa Environmental Management Bureau-7, ang TSP levels nga nakuha diha sa Naga monitoring station gikan sa 129 micrograms per normal cubic meter (µg/Ncm) sa unang tulo ka buwan miabot og 158 µg/Ncm sa ikaduhang tulo ka buwan (2nd quarter).

Samtang diha sa DENR station, migawas nga 56 µg/Ncm ug 93 µg/Ncm ang natala sa una ug ikaduhang kwarter ning tuiga. Ang duha ka monitoring stations mitala og good and fair status sa kalimpyo sa hangin sa Sugbo.

Diha sa Mabolo Police Station monitoring station , miubos og kinse porsyento ang PM10 level, nga nakarehistro og 93 µg/Ncm sa unang kwarter ngadto nalang sa 79 µg/Ncm sa ikaduhang kwarter, apan misaka ang sa Cebu Business Park (CBP) station, gikan sa 35 µg/Ncm sa unang kwarter nahimo kini karong 48 µg/Ncm sa ikaduhang kwarter ning tuiga. Hinuon nasulod pa gihapon kini sa level nga “fair and good.”

Sa laktod pagkaestorya ang “good and fair” ratings nagpasabot nga ang kalidad sa hangin nga atong giginhawa karon luwas ug dili pa makahilo ug gamay ang kahigayong magkasakit ang mga Sugboanon gikan sa polusyon.

Apan mipasidaan si Montejo nga dili angay mokumpiyansa ang mga Sugboanon ug mas batasanon gyud ang paninguhang makatabang sa pagpaubos sa polusyon pinaagi sa pagpapahuway sa ilang mga sakyanan kung dili gikinahanglan.

Ang TSPs mao ang gidaghanon sa solid pollutants sama sa abog, anoos sa aso sulod sa 24-oras nga pag-monitor. Ang average o standard nga 24-hour average standard moabot sa 230 µg/Ncm.

Samtang ang PM10, mao ang pino kaayong mga butang sama gihapon sa abog, aso ug uban pang mahimong mahanggab sa tawo ug masulod sa baga ug magbunga og mga sakit sama sa severe pulmonary disease o ba kaha respiratory diseasess. (BANAT NEWS)

CEBU BUSINESS PARK DEPARTMENT OF ENVIRONMENT AND NATURAL RESOURCES ENVIRONMENTAL MANAGEMENT BUREAU ISABELO R MABOLO POLICE STATION MICRO MONTEJO NCM
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with