BRT project wa nay pundo?

CEBU, Philippines — Mihulga ang pribadong kontraktor sa Cebu BRT package 1 nga ilang hunongon ang pagtrabaho sa maong proyekto gumikan kay wala na silay pundong magamit sa pagpadayon niini.

Ang kontrakator miingon nga kun ang Department of Transportation (DOTr) dili maka-isyu sa pasiunang 10% nga mobilization money sa kinatibuk-ang kontrata niini ilaha kining hunongon sa pagtrabaho.

Gitagalan lang sa kontraktor ang DOTr  hangtod sa Hunyo 15,2023 aron paghatag sa gipangayo nilang pundo.

Ang maong demand ug problema sap undo gikompirmar ni Cebu BRT project manager ug City Councilor Jerry Guardo, kinsa mao ang chairman sa Committee on Infrastructure sa City Council atol  sa pakighinabi sa Banat News.

“They (Hunan Road and Bridge Construction Group Ltd.) are demanding for the 10 percent mobilization until now they haven’t received it yet,” saysay pa ni Guardo.

Kapin sa P900 milyones ang kinatibuk-ang kantidad nga gi-award ngadto sa maong Chinese contractor aron trabahuon ang maong proyekto.

Matud pa ni Guardo, adunay mga contractor nga nagsugod sa trabaho bisan wala pa makadawat og advance payment.

Paspas ang pagtrabaho sa Hunan ilabi na nga si Presidente Ferdinand Marcos Jr. gusto nga ang Cebu BRT Project package 1 mahuman sa Disyembre isip iyang regalo sa mga Sugbuanon.

“If dili nila madawat ang amount na ilang gi-demand before June 15…basin masuspenso ang pagtrabaho dha…If madawat nila on or before.. work continues,” dugang pa ni Guardo.

Sa labing ulahing kalamboan bahin sa demand sa kontraktor, giingong motubag niini ang DOTr sa mosunod nga napulo ka adlaw.

Nanghinaot si Guardo nga paspasan sa DOTr ang pag-aksyon niini aron dili makabalda sa trabaho sa konstruksyon ingon man makadugang sa kahasol sa mga pasahero nga mobiyahe.

Sa pagkakaron, nahuman na sa kontraktor ang 23% sa mga dedicated lanes sa Cebu BRT.

Ang BRT project dugay nang giplanohang ipatuman dinhi sa Sugbu isip alternatibong walay hasol ug menus traffic nga matang sa transportasyon.

Gisugdan ang maong P16.3 bilyones nga proyekto niadtong Marso pinaagi sa

Package 1 naglakip sa Osmeña Boulevard, gikan sa Cebu Provincial Capitol ug paingon sa Cebu South Bus Terminal (CSBT) subay sa N. Bacalso Avenue.

Dili mominos 200 ka mga punoan sa kahoy gikan sa center island sa Package 1 corridor ang gipaibot ug gibalhin og laing lugar aron mahatagan og lugar ang BRT. — Caecent No-ot Magsumbol/IBM (BANAT NEWS)