Bag-ong traffic enforcers sa Lapulapu pasado sa drug test
CEBU, Philippines — Pasado sa drug test human nag-negatibo ang 27 ka mga on the job traffic enforcers sa Lapulapu City sa kinalit nga drug test nga gipahigayon sa City of Lapulapu Office for Substance Abuse Prevention kon CLOSAP Office.
Ang Executive Director sa CLOSAP Garry Lao, nibutyag nga ang tinguha sa drug testing aron sa pagsiguro nga tanan empleyado sa dakbayan drug free, ilabi na sila ang responsible sa pagpatuman sa balaod sa siyudad.
Ang 27 ka mga traffic enforcers gipaubos sa drug test base sa Executive Order No. 35 ni Mayor Junard Ahong Chan nga nagmando nga estrikto nga ipatuman ang drug-free workplace sa tanan departamento sa City Hall. Si Mario Napule, City Traffic Management Program Manager nitug-an nga ang drug test kinahanglan aron masiguro ang public safety.
Ang maong drug test dili na kini maoy unang higayon gihimo sa CTMs tungod kay niadtong 2019 dili mominos pito ug upat niadtong 2020 ang nataktak sa ilang trabaho human nagpositibo sa ginadili nga drugas.
Samtang sa nakalabay nga tuig 2022 dili mominos unom usab ka trabahante sa CTMs ang nagpositibo sa ginadili nga drugas. —/IBM (BANAT NEWS)
- Latest
