Sunog sa Basak San Nicolas nagbili’g P360 mil nga danyos
CEBU, Philippines — Nagbilin og P360 mil nga danyos sang sunog nga niulbo sa Sitio Tabuk Canal, Alumnos, Barangay Basak San Nicolas ning Dakbayan sa Sugbo kagahapon Huwebes sa buntag.
Nadawat sa kabomberohan ang alarma alas 11:58 nga naglambigit og kabalayan, giingong nagsugod kini sa balay ni Roberto Tradio, nga gipuy-an ni Carmelita Tradio.
Nakontrolar kini dayon ug hingpit napawong alas 12:22 na sa udto, walay gikataho nga nakalas o naangol sa maong sunog apan upat ka panimalay ang apektado tulo ang hingpit nga naugdaw ug usa ang partial nga nakan-an sa kalayo.
Upat ka mga pamilya ang apektado sa maong sunog nga kasamtangan magpasilong sa gym sa maong dapit.
Ang fire investigator nga si FO1 Michael John Nable, miingon nga nihimo pa sila og imbestigasyon pagsuta sa sinugdanan niini. (BANAT NEWS)
- Latest
