Real estate industry gipanglantawan nga mosulbong sa sunod tuig

CEBU, Philippines — Mga eksperto nagtuo nga sa sunod tuig ang dako nga boom sa real estate industry sa Pilipinas nga posibleng mokabig unya ug mga colorum nga salesperson ug mo scam sa mga mamalitay og property.

Ug giingong kasagarang target mao ang mga Overseas Filipino Workers diin dakong bahin sa ilang remittance ang gi-invest ngadto sa real estate.

Matud ni Anthony Leuterio, presidente sa A Better Real Estate Philippines (ABREP) nga kinahanglan ang pag-professionalizing sa mga estate salesperson ug kinahanglan usab nga buhaton na karong tuiga sa dili pa ang grabeng paglambo sa estate industry sa sunod tuig.

Matud ni Leuterio nga tungod sa nilabay nga COVID-19 pandemics ang real projects  gihunong una samtang ang gibaligya sa 2018 ug 2019 ang nangahalin hinungdan sa pagbukas sa ekonomiya sa 2023 daghang mga proyekto ang naglinya aron sa pagtubang sa demand ug gipaabot nga mosaka kini sa merkado sa tuig 2024.

Kagahapon niabot ngadto sa 500 ka accredited real estate salesperson gikan sa Visayas ang nagtapok sa Dakbayan sa Sugbo alang sa unang Real Estate Service Leadership Summit.

Gidasig ni Leuterio ang katawhan labi na kadtong mopalit og mga property nga sigurohon ang agent aduna kong aduna ba kini lisensiya ug lakip usab ang license to sell aron malikay sa scam.

Gibana-bana usab ni Dr. Eduardo Ong, chairman sa Philippine Federation of Real Estate Services Professionals nga anaa sa 120 mil ka unlicensed real estate salesperson o matawag nga colorum.

Matud ni Ong nga kinahanglan ang mga unlicensed salesperson dasigon nga ma-professional ug tugotan nga mopaubos sa accreditation process.

Ang Accredited Real Estate Salespersons of the Philippines pinaagi sa summit nga gihimo nanawagan usab sa gobiyerno nga mahatagan og tubag ang mga nag-una nga isyu ilabi na kalabot sa professionalization sa mga real estate salespersons diin gi-regulate kini sa duha ka government agencies nga adunay lain-laing balaod nga mao ang Professional Regulations Commission ug Department of Human Settlement and Urban Development. —/BDB (BANAT NEWS)