Barangay Caohagan pabiling drug free brgy sa Lapu-Lapu
CEBU, Philippines — Nagpabilin gihapon nga drug-free ang barangay Caohagan sa Isla sa Lapu-Lapu, diin gipahigayon ang kinalit nga drug test sa mga trabahante sa barangay.
Ang kadagkuan sa kagamhanan sa Dakbayan sa Lapu-Lapu pinanguluhan sa City of Lapu-Lapu Office on Substance Abuse Prevention CLOSAP mibisita sa barangay aron paghimo og re-evaluation.
Ang CLOSAP nipahigayon ug drug test uban sa kadagkuan sa DILG ug PDEA sa maong dapit.
Walay bisan usa sa mga kawani sa barangay, lakip sa mga tanod ug opisyal sa barangay ang nagpositibo nga tigamitan sa illegal nga drugas tungod kay puros negatibo ang resulta.
Ang mga opisyal nihimo usab ug re-evaluation sa Caohagan ug padayong nipalig-on sa ilang dapit isip drug-free barangay.
Ang CLOSAP uban sa PDEA ug DILG, nihatag usab ug mga IEC materials aron adunay mapaambit ngadto sa mga residente sa maong barangay. — MEL (BANATNEWS)
- Latest
