2,096 ka kawani sa gobyerno nakadawat og bugas

CEBU, Philippines — Mokabat sa 2,096 na ka mga benepesyaryo sa Central Visayas ang nakadawat sa ilang one-time grant of rice assistance kun OTRA subay sa kamanduan ni President Ferdinand ‘Bongbong” Marcos Jr.

Base sa talaan sa National Food Authority dinhi sa rehiyon nakapagawas na ug 1,047.50 bags katumbas ngadto sa 2,096 employee beneficiaries.

Ang maong programa para sa tanang empleyado sa gobyerno alang sa fiscal year 2022 subay sa administrative order no.2

Ang Bohol nakadawat ug 119 ka bags nga katumbas sa 238 beneficiaries, Cebu, 49.50 bags kon 99 beneficiaries, ug 879 usab sa Negros Oriental o 1,759 beneficiaries.

Sumala pa sa kadagkuan sa NFA-7 ang pagkuha sa bugas sa ubang ahensya nagpadayon base sa guidelines ug gipaabot nga makompleto sa dili pa ang Hunyo 30, 2023.

Kahinumduman si Marcos, nipirma sa AO No, 02 sa nilabay nga buwan sa Disyembre 2022 alang sa ayuda nga naghatag sa tanang kwalipilikado nga government employees kinsa nagtrabaho na sa gobyerno sugod niadtong November 30, 2022.

Samtang sa laing bahin gihangop sa mga senior citizen sa siyudad sa Mandaue ang pag apod apod sa ilang pinansyal nga ayuda diha sa mga mall sa siyudad.

Nalipay ang mga seniors tungod kay dili sila makasinate sa ka init samtang magpaabot sa ilang torno alang sa distribution.

Si Calos Irog-Irog, 78 anyos molopyo sa Barangay Basak sa Siyudad sa Mandaue usa sa nahatagan sa ayuda sulod sa Grand Mall.

Suma pa niya nga gawas nga bugnaw ang lugar dili usab sila maglisud sa pagpalit og pagkaon sa higayon nga bation sila og gutom.

Nasayran ang kagamhanan sa siyudad sa Mandaue naghatag og tinuig nga P8,000 nga ayuda sa mga senior citizen. —Romeo T. Limpangog (BANAT NEWS)