Cebu, maoy top 3 destination sa mga Germans suma sa DOT

CEBU, Philippines — Gibutyag sa Department of Tourism nga ang Cebu maoy usa sa top 3 destinations sa mga Germans ingon man top 10 biggest sources sa mga retirees.

Niadtong 2022, ang Germany maoy ika-onse nga labing daku nga market alang sa turismo sa nasud diin nakatala og 39,013 ka German visitors samtang ang France dunay 23,949 Netherlands 19,306, Switzerland 11, 092 ug 8,964 sa Belgium.

“After almost three years of setbacks and the global pandemic among the hosts of other calamities, we can finally say the worst is almost over, we flourished and we have survived and now the Philippines is thriving and ready for your partnership. Ready to receive all of you and the tourists that you would like to bring into our country,” suma pa ni Secretary Frasco sa iyang Listening Tour sa Berlin.

Nasayran ang mga turista nga German nga moistar sa nasud sagad sa ilang tuyo mao ang paglolinghayaw ug negosyo.

Base sa susamang report kadaghanan sa ilang paborito nga destinasyon mao ang Cebu, Palawan, ug Bohol.

Samtang sa datus gikan sa Philippine Retirement Agency (PRA), usa ka attached agency sa DOT, nagpakita nga ang Germany maoy ika-siyam sa dunay daghang retirees dinhi sa Pilipinas.

Si Sec. Frasco nakigtagbo usab sa coordinator sa German Federal Ministry for Economic Affairs and Climate Change for Maritime Industry and Tourism diin mipadayag sa tinguha nga mopasiugda og German language training alang sa mga tourism front liners, ilabi na sa mga tour guides. The Freeman