Mga kawani sa City Hall ipaubos sa orientation bahin sa Singapore
CEBU, Philippines — Himoon sa Human Resource Department sa Cebu City government ang usa ka orientation training kabahin sa Singapore alang sa mga kawani sa City Hall.
Kini aron mas makadayeg sila sa tinguha sa administrasyon ni Mayor Michael Rama nga mahisama sa Singapore ang dakbayan sa Sugbo.
Agi usab kini og pagsanong sa hangyo sa konseho sa siyudad nga mohimo og training ug seminars ang HRDO kabahin sa kultura ug kasaysayan sa Singapore nga giduso sa resolusyon ni konsehal Francis Esparis.
“The grand vision of Cebu City Mayor Michael L. Rama to make Cebu City Singapore-like is worthy of everyone’s support…the same vision, in order to turn it into reality, must become a shared vision, which means that majority, if not all, believe in it,” tipik sa giaprobahan nga resolusyon ni Esparis.
Ang pangu sa HRDO nga si Remedios V. Mondigo mihatag og tubag sa maong hangyo ug mitakda sa pagpahigayon sa training karong sunod buwan.
Suma pa ni Mondigo nga mokuha sila og mga maayong speakers nga mga eksperto sa kultura ug kasaysayan sa Singapore. Gikan sa The Freeman/MEL(BANAT NEWS)
- Latest