Tomas lakip sa listahan sa dinapit sa ground-breaking sa BRT
CEBU, Philippines — Si kanhi mayor Tomas Osmeña gipalakip ni Mayor Michael Rama sa listahan sa mga dinapit alang sa groundbreaking ceremony sa Bus Rapid Transit (BRT) karong buwana.
Matud ni Rama nga angayan nga hatagan og gibug-aton ang administrasyon nga nagsugod sa plano sa maong proyekto.
Nihangyo na si Rama kang Department of Transportation (DOTr) Secretary Jaime Baustista kalabot sa maong katuyoan.
Nagkanayon si Rama nga ang BRT project nagsugod sa panahon sa administrasyon ni Osmeña ug konsehal pa siya niadtong higayona .
“He has to be involved. Give credit to where credit is due”, ni Rama pa.
Nakita ang panginahanglanon sa mass transport system sa siyudad hinungdan nga naumol ang planot kalabot sa BRT sa panahon sa administrasyon ni Osmeña.
Dihang nakalingkod na si Rama isip mayor sa panahon ni kanhi presidente Noynoy Aquino naaprobahan ang maong proyekto.
Dugang ni Rama nga wala pay final nga petsa sa groundbreaking sa BRT Project. (BANATNEWS)
- Latest
