Jessy, pinakita na ang mukha ng anak

Tisay na tisay ang anak nina Luis Manzano and Jessy Mendiola.

Though hindi pa naman buong face nito ang ipinakita ni Jessy sa kanyang post kahapon.

“Mama & Papa love you so much, our little Rosie,” caption ni Jessy.

Kaya naman pinusuan ito ng kanilang libu-libong followers.

Pero as usual, may mga nega na “Pakita nyo na face ipapakita nyo din nmn po soon.”

Pero mabilis ang sagot ng ibang follo­wers nila na desisyon nilang mag-asawa ‘yun.

May sarcastic namang sumagot “Sa vlog siguro aabangan namin.” Pero subscribe raw muna sila.

Tisay na tisay si ‘Peanut’ at tiyak, masayang-masaya si Ate Vi (Vilma Santos) na lola na siya.

Ngayon pa lang ay ang dami nang nagpapadala ng mga gift kay Peanut.

TV5, palalakasin ang primetime

Mas pinalakas na primetime ngayong 2023 ang groundbreaking collaboration ng media giants na TV5 at ABS-CBN sa pagsisimula ng star-studded series Dirty Linen na patuloy na pinag-uusapan at sa pinakahihintay na pagbabalik ni Coco Martin sa FPJ’s Batang Quiapo, bilang paggunita sa 18th Death Anniversary ni Fernando Poe Jr.

Nagsimula na sa TV5 noong Enero 23 ang Dirty Linen, na pinagbibidahan nina Janine Gutierrez at Zanjoe Marudo kasama ang all-star ensemble cast na pinangungunahan nina John Arcilla, Joel Torre, Janice de Belen, Francine Diaz, at Seth Fedelin, sa ilalim ng direksyon nina Onat Diaz at Andoy Ranay. Tampok din sa Dirty Linen ang special participation ng Golden Globe nominee na si Dolly de Leon at Harlem International Film Festival Winner na si Ruby Ruiz. Umiikot ang kwento nito sa pamilya Fiero na nanganganib ang buhay dahil sa mga naghahanap ng hustisya sa kasalanan ng kanilang pamilya.

Bukod sa Dirty Linen, may pasabog na handog ang TV5 at ABS-CBN para sa fans ng long-running TV series na FPJ’s Ang Probinsyano dahil muling magbabalik ang Primetime King na si Coco Martin sa TV adaptation ng 1986 action-comedy film ni Fernando Poe Jr., ang Batang Quiapo.

Bilang paggunita sa 18th Death Anniversary ni Fernando Poe Jr., nag-team up si Coco at Dreamscape Entertainment, kasama ang anak ni FPJ na si Lovi Poe, para sa isang promising, action-packed, at timeless na TV adaptation ng nasabing FPJ film.

Kasama rin sa cast ng FPJ’s Batang Quiapo sina Lito Lapid, Christopher de Leon, Susan Africa, John Estrada, Pen Medina, Cherry Pie Picache, Benzon Dalina, Mark Lapid, Ronwaldo Martin, Ping Medina, Mercedes Cabral, Alan Paule, at Tommy Abuel. Sa direksyon nina Martin at Malu Sevilla, nakatakda itong ipalabas sa TV5 ngayong taon.

Since last year, masaya nang nakikinabang ang mga Kapatid at Kapamilya viewers sa collaboration ng TV5 at ABS-CBN dahil nae-enjoy nila ang top-notch free TV entertainment sa buong bansa.

Sa patuloy na pagpapalakas ng programming line-up ng TV5 kasama ang mga programa ng ABS-CBN, mas lalong kapana-panabik ang mga bagong kwento na tiyak na mae-enjoy ng buong pamilya.

Pagkamatay ni Valentina, nag-trending

Hindi makapaniwala si Darna (Jane de Leon) sa pagkamatay ni Valentina (Janella Salvador) sa Mars Ravelo’s Darna pagkatapos niyang ilantad ang sarili sa dating matalik na kaibigan para iligtas si Ding (Zaijian Jaranilla).

 Sa Jan. 26 episode ng programa na nag-tren­ding sa Twitter gamit ang topic na Regina, Valentina, at #DarnaStrongAsEver, naging biktima ng pagsabog si Valentina na hatid ng super soldiers ni Heneral Borgo (Richard Quan).

Inaabangan na ang ending ng Darna at kung sino ang napapayag nilang mag-guest dito.

Shows nina Dingdong at Michael V., wagi sa 2023 Platinum Stallion National Media Awards

Humakot ng parangal ang GMA Network sa 2023 Platinum Stallion National Media Awards.

Kabilang sa mga nakatanggap ng award ang shows nina Kapuso Primetime King Dingdong Dantes at Kapuso comedian Michael V.

Itinanghal bilang Best Game Show ang Family Feud.

Wagi rin ang isa pang programa ni Dingdong tuwing weekend. Kinilala bilang Best Education Program ang infotainment show na Amazing Earth.

Samantala, panalo naman bilang Best Comedy Program ang Pepito Manaloto.

Winner din ang longest-running gag show sa bansa na Bubble Gang na pinarangalan bilang Best Gag Show.