World Tent City diha sa SRP buksan karon
CEBU, Philippines — Gikatakdang buksan karong adlawa ang World Tent City diha sa South Road Properties isip kabahin sa Sinulog 2023.
Ang area magsilbi kining exhibit area alang sa mga patigayon isip kabahin sa promotion niini.
Ipahimutang ang mga dayan-dayan gikan sa Hotel, Resort & Restaurant Association of Cebu, Inc. (HRRACI) aron ma-expose kini ngadto sa katawhan.
Gawas sa mga hotel iplastada usab diha sa maong lugar isip promotional venue sa ubang matang sa negosyo sama sa mall ug uban pa.
Sayo pa, nipadayag og suporta ang Cebu Chamber of Commerce and Industry sa desisyon sa kagamhanan nga himuon sa SRP ang Sinulog 2023.
Una na nga gibutyag ni Rama nga adunay dakong hawanan ug daghan ang tawo ang ma-accommodate diha sa SRP hinungdan nga haom kaayo nga anha ipahigayon ang Sinulog sa maong dapit.
Nasayran nga dili na bag-o alang kang Rama ang sugyot niya nga pagahimuon diha sa SRP ang Sinulog iyaha na kini nga nahisgotan niadtong tuig 2021apan wala kini nadayon gumikan kay wala motugot ang Inter-Agency Task Force for the Management of Emerging Infectious Diseases (IATF) gumikan sa nagkataas nga kaso sa COVID-19 niadtong higayona. (BANATNEWS)
- Latest
