Kapolisan gidasig nga mosumbong sa ilang labaw kun dunay problema
CEBU, Philippines — Giawhag sa Cebu Police Provincial Office (CPPO) ang ilang mga sakop nga dili magpanuko og duol sa ilang mga hepe kun ugaling dunay mga problema nga giatubang ma personal man o kabahin sa trabaho.
Kini nonot sa nahitabo sa siyudad sa Naga diin gipusil sa usa ka police ang iyang asawa sulod mismo sa buhatan sa WCPD sa Naga Police Station.
Gihulagway ni Police Lt. Col. Mark Gifter Sucalit, Deputy Provincial Director for Operation sa Cebu Police Provincial Office ang nahitabo nga usa ka ‘lesson learned’ matud pa nga mas mohatag pa gyud og pahimangno sa ilang mga tawo nga kun dunay mga issues dili magduha-duha sa mga Chief of Police nila aron pwede pa matabangan ug masulbad.
“As your leader naa atong mga COP’s, naa atong maayo kaayo nga PD si Police Col. Rommel Ochave nga willing gyud maminaw para ma-avoid ni nato, this should be a lesson learned and warning sa atua nga nasa huli ang pagsisisi ba”, matud ni Lt. Col. Sucalit.
Gipahibawo ni Sucalit nga ipasaka nila ang kasong parricide batok ni Police Staff Sergeant Fernando Mata ug nasuta usab base sa liquor test nga nakainom kini dihang gipusil ang iyang asawa nga Heronia Mata.
Kagahapon gipaubos usab si Mata sa drug test aron pagsuta kun migamit ba kini og ginadiling drugas.
Niduso na og report ang Cebu Police Provincial Office sa Police Regional Office(PRO)-7 ug nasayran gawas sa kasong kriminal nga iyang atubangon pasakaan sab siya og administrative case sa Regional Internal Affairs Service tungod kay nagpabuto man kini sa iyang issued firearm.
Dako sab ang posibilidad nga ma-dismiss sa serbisyo si Mata tungod sa nahimo niining krimen. (BANATNEWS)
- Latest
