Pagpangita sa mga dunay warrants gipangusgan .
CEBU, Philippines — Gikonsiderar nga Top 4 Most Wanted Person sa probinsya sa Sugbu nadakpan sa mga sakop sa 1st Provincial Mobile Force Company sa Cebu Police Provincial Office(CPPO) diha sa 37B Salvador Street, Barangay Labangon, Siyudad sa Sugbo niadtong miaging adlaw.
Giila ang dinakpan nga si Rodney Lucero Estañero, 37, residente sa naasoy nga lugar.
Ang operasyon pinangulohan ni Police Lt. Col. Jeorge Francis Rodrin ghimo pinaagi sa pakig-alayon sa Criminal Investigation and Detection Group(CIDG) Mandaue City ug ubang unit sa kapulisan ni-serve sa warrant of arrest ni Estañero.
Si Estañerop nalutsan og warrant of arrest gumikan sa kalapasan sa Section 5 ug 11 Article II sa Republic Act 9165 gikan sa sala ni Acting Presiding Judge Ferdinand Collantes sa Regional Trial Court Branch 15, Cebu City penetsahan og Nobiyembre 23, 2022.
Matod ni Rodrin nga sa tinguha gyud sa kapulisan nga hapsay ug malinawon nga maselebrar sa katawhan ang Pasko ug Bag-ong hinungdan nga subsob ang ilahang operasyon aron madakpan kadtong mga tawo nga dunay pending warrant of arrest.
“Nang dahil sa ating puspusang pagsisikap at sa pagtulong na rin ng ating komunidad matagumpay nating nahuli ang Top 4 Most Wanted Person Provincial Level sa kasong may kinalaman sa illegal na droga partikular sa violation Section 5 and 11 ng Republic Act 9165,” matud ni Rodrin.
Gihumug-atan sa opisyal nga dili sila mohunong sa paghimo sa ilang trabaho ilabi na sa pagdakop sa mga wanted persons aron malinawon ang komunidad.(BANAT NEWS)
- Latest
