300 ka empleyado sa Cebu City Hall dili na ma-renew ang kontrata
CEBU, Philippines — Gipahibawo kagahapon ni Mayor Michael Rama sa Dakbayan sa Sugho nga dili na ma-renew sa ilang kontrata ang 300 ka empleyado sa city hall.
Si Rama nianunsiyo niini atol sa flag raising ceremony kagahapon sa buntag.
“Non-rehiring and related personnel advisory, mao gyud na siya, dereteso nalang ta aron maklaro nato about 300 kabuok ang dili gyud ma-rehire, that’s the new, the good news libo-libo kabuok ang ma-rehire”, matud ni Rama.
Wala gibutyag ni Rama ang rason nga dili na ma-rehire ang maong mga empleyado.
Apan matud ni Rama nga ang usa sa gibasehan sa pag-rehire og empleyado nga kini dili kawatan.
“Basta dili kawat, kahibawo gyud mo nga mortal sin gyud na nako ang kawat. Ma-renew g’yud mo”, ni Rama pa.
Si Rama nagkanayon nga kadtong mga na-rehire mopaubos gihapon og evaluation ug dunay appointment nga iisyu.
“So ang evaluation sige gihapon na, pero ang appointment will have to be issued”, dugang ni Rama. BDB (BANATNEWS)
- Latest
