Paglimpyo sa mga spaghetti wires  gidayeg sa konseho sa Talisay

CEBU, Philippines —  Gidayeg sa konseho sa Dakbayan sa Talisay ang mga telecommunication companies (TELCO) ug  ang Visayan Electric Company (VECO) sa ilang pakig alayon aron matang-tang o malimpyohan

ang mga spaghetti wires. Si konsehal Danny Caballero, chairman sa committee on Disaster Resilience niingon nga di

matago nga naningkamot ang mga kompaniya sa pagpasiga sa mga kuryenti nga naapektahan sa  bagyong Odette.

Gani wa sab nila biyae ang ilang mga kable nga nagbitay lang nga nakapeligro sab sa  motorista.

Giangkon ni Caballero nga naa paman tuod nahabilin apan siya masaligon nga matiwas nila  kini sa paglimpyo.

Nalipay sab ang konsehal nga nindot ang ilang koordinasyon sa mga kompaniya kay madali man

ang pagtubag sa mga problema may labot sa mga kable sa kuryenti o koneksyon sa mga

telepono.

Gilakip nasab ni Caballero sa pagpasalamat ang taga VECO sa pagtubag sa hangyo ni mayor

Gerald Anthony “Samsam” Gullas nga idelatar una ang power interruption nonot sa  kasaulogan  sa fiesta sa Talisay. (BANAT NEWS)