Gidaghanon sa violators nisaka sa buwan sa Septiyembre
CEBU, Philippines — Gipahibalo sa Cebu City Transportation Office nga nisaka og maayo ang gidaghanon sa traffic violators sa buwan sa Septiyembre niining tuiga.
Base sa datos sa CCTO niabot ngadto sa 21,898 ang gidaghanon sa citation tickets nga ilang naisyu sulod sa nahisgutang buwan ug dako kaayo ang deperensiya niini sa 17,569 nga ilang naisyu sa buwan sa Agosto niining gihapong tuiga.
Ug matud sa CCTO nga posibleng mosaka pa kini niiing buwana tungod sa programa ni Mayor Michael Rama nga Oplan Disiplina subay kini sa Executive Order No. 9.
Gipaniguro niini ang patas nga pagpatuman sa lagda aron mahimong hapsay ang kadalanan nga subay usab sa direksiyon sa administrasyon ni Rama kinsa nagtinguha nga masusama sa Singapore ang Dakbayan sa Sugbo.
Nitabang usab ang CCTO alang sa clearing program sa siyudad. Nagmalaumon ang maong buhatan nga mohatag og lapad og kooperasyon ang katawhan kalabot niini. BDB (BANATNEWS)
- Latest
