Plantasyon sa marijuana gironda, usa nadakpan

CEBU, Philippines — Dili momenus sa 2,000 ka punoan sa gituohang marijuana ang giibot sa mga sakop sa Cebu 2nd Provincial Mobile Force Company(PMFC) sa Sitio Hikapon, Barangay General Climaco, dakbayan sa Toledo niadtong Oktubre 6, 2022 pasado alas- 4 sa hapon.

Gibana-bana nga mobalor og P800 mil ang kantidad sa maong mga naibot nga marijuana.

Matud ni Police Lt. Col. Epream Paguyod nga ang iyahang mga tawo dunay gihimo operasyon batok nila ni Richard Cañaliso ug Caloy Cañaliso kinsa dunay warrant of arrest sa kalapasan sa Republic Act 9165 tungod sa gihapon sa pagpananom og marijuana.

Sa dihang gipatuman ang warrant of arrest batok sa duha nakit-an sa mga operatiba sila Christopher Cañaliso ug Felix Labaso nga nananom og marijuana.

Apan si Christopher lang ang nadakpan skay daling nakaikyas si Labaso.

“Caught in the act po na nandoon si Christopher Cañaliso sa area at nagko-cultivate ng Marijuana plantation”, sigon ni Lt. Col. Paguyod.

Matud pa nga sila si Richard, Caloy ug Christopher pulos managigsuon ug naila na sa maong dapit kaniadto pa nga tigpananom og mga marijuana para ibaligya.

“Sa part sa unit namin as we observed ‘yun naman po talaga yung pattern kadalasan na ginawa nilang magtanim talaga sa malalayong lugar yung unreachable ba ng mga sasakyan to deter yung mahuli sila. Ito yung ginagawa nilang pamamaraan magtanim sila sa malayo so as you observe mga previous na marijuana eradication natin is talagang lalakarin mo, talagang malayo sa kalsada, kumabaga yan yung mga modus nila to evade arrest,” sigon ni Paguyod.

Sa laing anti-illegal drugs operation, nasakmit sa kapolisan ang P680 mil nga kantidad shabu gikan sa manag-agaw nga babaye ug lalaki sa buy bust operation nga gihimo sa kapolisan sa Presinto 3 Lapu-Lapu City Police Office diha sa

Sitio Seaside sa Barangay Pajo sa Dakbayan sa Lapu-Lapu. Si Police Major Ramil Dugan, hepe sa Presinto ,3 sa LCPO miila sa ilang mga dinakpan  nga sila si Alberto Dela Peña Rapuela III,  39, taga Sitio San Vicente sa Basak sa maong siyudad ug Claudine Rapuela Casas alyas Odette, 33, taga M.J. Cuenco sa Siyudad sa Sugbo.

Matud pa ni Dugan mga High Value Individual ang duha base sa 100 gramo  nga shabu nga ilang nasakmit gikan niini.

Ang mga dinakpan gikatakdang pasakaan og kasong paglapas sa Republic Act’ 9165 o Comprehensive Dangerous Drug Act’ of 2002. — /IBM (BANAT NEWS)