Pisikal nga kalihukan sa fiesta senyor giplano na
CEBU, Philippines — Nagtagbo ang nagkadaiyang ahensiya, institutions ingon man organization alang sa labing unang coordination meeting subay na sa umaabot nga kapistahan sa balaang bata Sr. Sto. Niño sa tuig 2023 didto sa Basilica Minore del Sto. Niño.
Matud ni Cebu City Councilor Phillip Zafra, Chairman sa Committee on Peace and Order nga usa sa ilang gituki ang pagpahigayon og physical activities nga wala mahitabo sa milabay nga tuig tungod sa COVID-19 pandemic.
Lakip sa giplanuhan ang paghan-ay sa dagkutanan og kandila nga mabalhin sa laing lugar apan naa ra gihapan sa vicinity sa Basilica Minore del Sto. Niño.
Wala pay mga dagkong kausaban nga gihisgutan atol sa kapistahan sa balaan bata ug giklaro ni Konsehal Zafra nga dili pa final ang tanan.
“We make some consultations with the EOC and the church hierarchy kun mo-approve sila sa amoang proposal but then again mao-mao ra na siya”, ni Zafra pa.
Gihulagway ni Zafra nga samtang sayo pa mapangandam na ang Sinulog 2023 aron kun dunay mga problema sama sa pandemya makahimo dayon og adjustment.
Nanawagan gihapon sila sa katawhan ilabi na sa mga deboto sa balaang bata nga planuhan kun unsa sila orasa mosimba ug mihangyo sila sa katawhan sa siyudad sa Sugbo nga kun mahimo ipalabi ang mga out-of-town devotee sanglit bisan unsang orasa mahimo raman sila makabisita sa Basilica. MEL (BANATNEWS)
- Latest