Rama maoy dinapit pagbukas sa Sto. Niño de Cebu Shrine sa Canada

CEBU, Philippines — Milarga paingon sa nasud nga Canada si Cebu City Mayor Michael Rama tungod sa usa opisyal nga imbitasyon Filipino Community sa Vancouver didto sa maong nasud.

Siya maoy morepresentar sa siyudad sa pormal nga pagbukas sa gitukod niini nga Sto. Niño de Cebu Shrine.

Ang palarga ni Rama iyahang gipahibawo atol sa press conference niini kagahapon usa sa mga hotel sa dakbayan sa Lapu-Lapu kagahapon.

Matud sa mayor official trip kini tungod kay ang iyang grupo nga naglakip nila ni Konsehal James Anthony Cuenco dunay laing katuyuan sa maong lugar gawas sa imbitasyon.

Si Rama ug mga kauban niini gipaabot nga mobalik sa Agosto 26, adlaw’ng Biyernes.

Sa wala pa mobiya sa Pilipinas si Rama gitahasan niya si Vice Mayor Raymond Alvin Garcia nga acting mayor samtang si Konsehal Donaldo “Dondon” Hontiveros maoy acting vice mayor. —/IBM (BANAT NEWS)