MCWD Chairman gustong pahawaon sa pwesto
CEBU, Philippines — Nanawagan ang MCWD Employees Union (MEU) ngadto sa chairman sa Metropolitan Cebu Water District nga si Atty. Jose Daluz III nga mokanaog nalang sa puwesto gumikan sa makadismaya nga performance sa kasamtangang board sa maong water district.
Sa press conference nga gipatawag sa unyon kagahapon , sila miingon nga sukad milingkod sa MCWD Board ni Daluz miunlod og 62% ang kita sa ahensiya samtang non-revenue water (NRW) nisaka ra ngadto sa 30 %.
Mialegar ang presidente sa MEU nga si Abigail Almeria, giingong adunay nga gipanghimo ang kasamtangang management nga kwestyonable .
Matud pa sa grupo kritikal na ang estado sa MCWD ug nabalaka sila nga mapunta na hinuon kini sa privatization.
Si Daluz sa iyang bagin mihimakak sa pasangil kay matud pa niya daghang kalamboan ang kasamtangang board gani nakakuha sila og dugang lapad nga tinubdan sa tubig ug usa na niini ang water project diha sa Barangay Lusaran.
Matud pa nga ang maong proyekto makapadangat og dakong pundo sa tubig alang sa katawhan.
Kalabot usab sa panawagan sa pagpakanaog kaniya sa iyang posisyon siya miingon nga ang mga tawong nagbutang kaniya sa posisyon maoy makahukom niini.
Kun maghisgot usab sa pagsaka sa NRW , dili gyud malikayan ang maong sitwasyon sanglit subsob ang paghatag nila og tubig sa katawhan panahon sa pandemya ,ingon man usab sa dihang giigo ang Sugbo sa Bagyong Odette.
Sa official statement sa management sa MCWD sila mipasalig k nga bisan sa giatubang nga problema sa pinansyal nagpadayon ang pagpagpangita nila og paagi alang sa pagpalambo sa ilang serbisyo.
"The decline in the net income for the past two years was mainly due to the pandemic as most commercial customers have temporarily ceased operation due to the lockdown," tipik sa statement sa MCWD. Pagkahuman usab sa Bagyong Odette, nigasto usab ang MCWD sa pagpangabang og water delivery trucks aron maserbisyohan ang ilang mga konsumidor ug wala sila nagpabayad niini.
Ubay-ubay usab sa ilang mga linya ang nangaguba niadtong higayona.
Ang Board of Directors ug management sa MCWD padayon nga makigsabot sa unyonaron maplantsa ang gihulagway nilang "misunderstanding" ug mga isyu nga ilang gipabuhagay. —IBM (BANATNEWS)
- Latest