Mga turista midagsa tungodsa Ironman 70.3 Philippines – Chan

CEBU, Philippines — Nakita ni Lapulapu City Mayor Junard Ahong Chan nga maka-contribute usab  sa pagpalambo sa turismo sa ilang lugar ang pagpahigayon sa Megaworld Ironman 70.3 Philippines nga mahitabo dinhi sa Sugbo karong adlawa, Agosto 7, 2022.

Nasayran nga sa liboan ka mga indibidwal nga nisalmot sa maong kalihokan ug pipila niini kay kay nagikan pa sa laing dapit sa kalibutan.

Giingong duna pu’y nianhi nga mga opisyales gikan sa Palawan ug gusto nila nga himoong tamdanan ang pagdala sa Sugbo sa maong kalihokan.

Suma pa ni Chan nga gipaneguro gyud sa kagamhanan ang seguridad sa mga partisipante kay nailhan ang mga Sugbuanon nga maayo moabi-abi sa mga bisita.

Nagbaha ang tourist spots sa Sugbo nga ikapaigarbo gyud sa tibuok kalibutan. Nasayran nga ang official accommodation sa mga partisipante mao ang Savoy Hotel Mactan Newtown.

Gani gihimo usab sa miaging adlaw ang IRONMAN 70.3 Expo.

Nagkanayon  si Chan nga pinaagi  sa kanindot sa Sugbo , mas modoble pa sunod tuig ang mga partisipante niini.

Matud pa sa mayor nga nangunay gyud siya sa pag-check sa kadalanan aron maseguro ang kahapsay sa maong kalihokan.

Gipaandam usab sa mayor ang dul-an sa  50 ka mga  pumpboats nga puno sa  banderitas  nga mohatag og duyog sa mga partisipante atol sa swim course. —/IBM (BANAT NEWS)