Langyaw giprotestahan sa mga silingan
CEBU, Philippines — Sobra 100 ka mga residente sa Sitio Panaghigugma sa Barangay Punta sa lungsod sa San Remegio ang nilusad og protesta atubangan sa gipuy-an sa gipasanginlan nilang overstaying nga Amerikano.
Ang maong langyaw nga giila nga si Sunny Miller makadaghan ng gireklamo sa mga silingan tungod sa matud pa kusog kining manghasi kanila.
Sumala pa sa akusasyon dunay mga higayon nga gibato sa maong langyaw ang mga bata nga molabay duol sa gipuy-an niini ug dili palang sab dugay nakakita kini og sinumbagay sa usa ka mananagat human sila gikomprontase ni Miller.
“Women such as mothers were not spared by insults and threats from Miller,” sumala pa nilang Alma Patalinghug, presidente sa Punta Women’s Association ug Alfredo Arcipe, presidente sa Fisherfolks sa lugar.
Dala ang ilang mga placards misinggit ang mga residente og: “Deport Miller Now, Go Away and Go Home Miller.”
Apan giklaro nila nga hangpong ug ilang abi-abihon ang tanang mga langyaw nga gustong mopuyo sa ilang lugar apan dili si Miller nga ilang gitawag og undesirable alien.
Nanawagan sab sila kang Presidente Ferdinand “Bongbong “Marcos, Jr.; Senador Raffy Tulfo, Senador Pia Cayetano, ug Senador Risa Hontiveros nga mointerbiner aron mapapauli sa Amerika si Miller.
Ang maong langyaw gideklarar na sa barangay nga ‘Persona non Grata’ nga hugtanong gisuportahan sa Konseho sa maong lungsod.
Bisan ang Bureau of Immigration una nang mideklarar kang Miller nga “Undesirable Alien” sa dihang kini nag-overstaying ug nagnegosyo nga walay visa permit. Gidakop kini niadtongh Mayo 2022 ug gipriso sa Bicutan.
“We were extremely happy when he was jailed in Bicutan. We thought he will be deported immediately. But to our surprise, he was out for bail on June 29, 2022, a day before Commissioner Jaime Morente left his office,” sumala pang Patalinghug.
Miapelar ang mga nagprotesta sa Department of Justice pinaagi ni Secretary Crispin Remulla nga kanselahon ang piyansa ni Miller ug ipadakop kini pagbalik. — /IBM (BANAT NEWS)
- Latest
