Kapin P70 milyones nga proyekto gibubo sa Kapitolyo sa Daan bantayan

CEBU, Philippines — Sobra P70 milyones nga kantidad sa proyekto sa imprastraktura ang giinagurahan sa Kapitolyo  didto sa lungsod sa Daanbantayan.    

Apil niini ang 121 metros nga gitas-on ug upat ka metro nga gilapdon sa Tapilon Causeway Section nga mokantidad og P7.6 milyones.

Ang maong proyekto 30 ka tuig na nga gipangandoy sa mga residente sa dapit alang sa mas  luwas ug dali nga pagbyahe ngadto sa mga islets.

Segun sa report sa Capitol Information Office, gawas sa maong causeway project, gi

inagurahan usab ang 3.9 kilometro nga Poblacion-Tominjao-Maya Road Section (Phase II) nga  mokantidad sa P54.8 milyones.

Ang maong dalan gipaabot nga makabenepisyo sa mga residente sa lima ka barangay apil na  niini ang Daanbantayan: Talisay, Tominjao, Maya, Bagay, ug Lanao.

Lain pa nga proyekto didto sa Daanbantayan mao ang reconstruction sa three-barrel  reinforced concrete box culvert nga moabot sa P8.6 milion ang kantidad sa gasto.

Ang maong box culvert adunay sukod nga 12 metro nga gilapdon ug 7.32 metros nga gibag-on  alang sa taytayan sa Alinsuob-Bagay nga area.

Si gobernador Gwendolyn Garcia maoy nangulo ug nangunay pagsusi sa pagkumpleto sa maong  proyekto didto sa maong lungsod niadtong Lunes, Hulyo 18, 2022. (BANAT NEWS)