Daghang traffic violations nga natala sa buwan sa Hunyo

CEBU, Philippines — Nisaka  ang gidaghanon sa traffic violators dinhi sa Siyudad sa Sugbo  alang sa buwan sa Hunyo  kumpara niadtong Mayo .

Ang Cebu City Transportation Office naka-isyu og 6,485 ka citation tickets niadtong Hunyo  ,kumpara sa natala  nga 5,931 ka violators niadtong Mayo.

Kasagaran sa mga nadakpan mao ang mga walay rehistro,expired ang mga lisensya ,ingon man usab ang pagbaliwala sa  mga traffic signages  sa kadalanan.

Ang  CCTO  kay nihimo og  lapad nga pag-roving diha sa kadalanan batok sa mga nakalapas sa trapiko lakip niini ang mga sakyanan nga gipataka og parking.

Ang mga naisyuhan og citation tickets o adunay mga kalapasan, giawhag sa CCTO nga mobisita sa ilang buhatan nga nahimutang sa ikaduha nga andana sa Ramos Public Market aron sa pagbayad sa ilang mga violations.

Nanawagan ang  CCTO ngadto sa  mga tag-iya og sakyanan nga likayan gayud ang pagbutang sa ilang mga units sa mga wala gitugot nga lugar aron mahimong hapsay ang pag-agi sa mga sakyanan ilabi na kun dunay emerhensya.

Sa buwan sa Hunyo, ang maong buhatan kay naka-impound usab og  og 105 ka motorsiklo,20 ka ebike,6 ka trisikol,6 ka trisikad, ug  naka-clamp kini og  35 ka mga sakyanan. —IBM (BANATNEWS)